काभ्रेमा निषेधाज्ञाको अवधि एक साता थप
काभ्रे — जिल्लामा लगाइएको निषेधाज्ञाको अवधि एक साताका लागि थप गरिएको छ । दैनिक सयको हाराहारीमा संक्रमण बढ्दै गएपछि जेठ २ गते राति १२ बजेसम्मका लागि निषेध आदेश थप गरिएको प्रमुख जिल्ला अधिकारी शिवराम पोखरेलले जानकारी दिए ।
वैशाख १९ गतेबाट लागू निषेध आदेश २६ गते राति १२ बजेसम्मको लागि कायम छ । जिल्लामा सकृय संक्रमितको संख्या एक हजार नाघिसकेको छ । आइतबार थप ४० संक्रमित पहिचान भएपछि सकृय संक्रमितको संख्या एक हजार १ सय ९९ पुगेको छ ।
प्रकाशित : वैशाख २६, २०७८ १८:१७