मकवानपुरमा जिप दुर्घटना हुँदा एकको मृत्यु, ५ जना घाइते
मकवानपुर — मकवानपुरको पश्चिमी क्षेत्रमा पर्ने राक्सिराङ गाउँपालिका–१ बेलटारस्थित बेसीघाटमा जिप दुर्घटना हुँदा एक जनाको घटनास्थलमै मृत्यु भएको छ भने ५ जना घाइते भएका छन् ।
बेसीघाटबाट हेटौंडातर्फ आउँदै गरेको ना १५ च ३९२० नम्बरको जिप अनियन्त्रित भइ सडकबाट १५० मिटर तल खसेको थियो । दुर्घटनामा मृत्यु हुनेमा स्थानीय १७ वर्षीय दिनेश स्याङ्तान रहेको जिल्ला प्रहरी कार्यालय मकवानपुरले जनाएको छ ।
दुर्घटनामा सवारी चालक स्थानीय २५ वर्षीय दिपेन्द्र ल्हो, १८ वर्षीया मञ्जु ल्हो, १६ वर्षीय अमृत दोङ, २३ वर्षीया आकृति मोक्तान र मनहरी–७ का १७ वर्षीय दोर्जे गोङ्वा रहेका छन् ।
घाइतेको हेटौंडा–११ स्थित चुरेहिल अस्पतालमा उपचार भइरहेको जिल्ला प्रहरी कार्यालय मकवानपुरका प्रहरी नायब उपरीक्षक जयश्वर रिमालले जानकारी दिए ।
प्रकाशित : वैशाख २५, २०७८ १३:२५प्रतिक्रिया
