कोरोना संक्रमण नियन्त्रण गर्न धुलिखेलमा एक करोडको कोष
काभ्रे — धुलिखेल नगरपालिकाले कोभिड संक्रमण नियन्त्रण र व्यवस्थापनका लागि १ करोडको कोष स्थापना गर्ने निर्णय गरेको छ । सम्भावित संक्रमण नियन्त्रणको लागि नि:शुल्क एम्बुलेन्स सेवा उपलब्ध गराउने निर्णय गरेको नगरप्रमुख अशोकुमार व्याञ्जु श्रेष्ठले जानकारी दिए ।
होम आइसोलेसनमा भएका संक्रमितको लागि पनि अक्सिजन उपलब्ध गराउने तयारी भएको उनले जानकारी दिए । नगरपालिकाको बजार क्षेत्रमा संक्रमण धेरै देखिएको भन्दै सचेत रहन, अनावश्यक भीडभाड नगर्न, भोजभतेर नगर्न र कुनै पनि प्रकारको स्वास्थ्य समस्या देखिए तत्काल सम्पर्क गर्न पनि नगरपालिकाले अनुरोध गरेको छ ।
प्रकाशित : वैशाख १६, २०७८ १७:४०प्रतिक्रिया