सिन्धुलीमा सवारी दुर्घटनामा दम्पती सख्त घाइते- वाग्मती - कान्तिपुर समाचार

सिन्धुलीमा सवारी दुर्घटनामा दम्पती सख्त घाइते

राजकुमार कार्की

सिन्धुली — बीपी राजमार्गअन्तर्गत सिन्धुलीमाडी–भिमान खण्डमा शुक्रबार भएको सवारी दुर्घटनामा दम्पती सख्त घाइते भएका छन् ।

प्रहरीका अनुसार कमलामाइ नगरपालिका ९ को हर्दियामा सिन्धुलीतर्फ आउँदै गरेको प्रदेश २, ०१–००१ प ५६६३ नं को मोटरसाइकल विपरीत दिशाबाट जाँदै गरेको पिकअप गाडीसँग ठक्कर खाँदा मोटरसाइकल चालक सप्तरी डाक्नेश्वर नपा ८ का सन्तोष साह र उनकी श्रीमती १९ वर्षीय पुजा साह सख्त घाइते भएका छन् । उनीहरु दुवैको टाउमा चोट लागेको छ ।

घाइतेलाई महोत्तरीको बर्दिवासमा रहेको शुभस्वस्तिक अस्पतालमा प्राथमिक उपचारपछि काठमाडौं पठाइएको सिन्धुली प्रहरीका डिएसपी मनोज लामाले जानकारी दिए । प्रहरीका अनुसार साहकी श्रीमती गर्भवती छिन् ।

प्रकाशित : चैत्र १३, २०७७ १५:४१
प्रतिक्रिया
पठाउनुहोस्

एमाले संसदीय दलको बैठक सुरु, खनाल–नेपाल समूहका सांसद सहभागी

कान्तिपुर संवाददाता

काठमाडौँ — नेकपा (एमाले) को संसदीय दलको बैठक बालुवाटारमा सुरु भएको छ । बैठकमा खनाल–नेपाल समूहका सांसदहरु पनि सहभागी भएका छन् । तर, नेता माधवकुमार नेपाल र उपाध्यक्ष भीम रावल भने बैठकमा सहभागी छैन ।

एमाले संसदीय दलको बैठकमा सहभागी नेताहरु । तस्बिर : अंगद ढकाल, कान्तिपुर

सांसद रहेका रावलले ओलीले स्वेच्छाचारी कदम चालिरहेकाले आफू बैठकमा सहभागी नभएको बताए ।

बालुवाटार बैठक जानुअघि खनाल–नेपाल समूहको केन्द्रीय सदस्यको बैठक र सांसदहरुबीच कलंकीस्थित एक पार्टी प्यालेसमा छलफल भएको थियो । उक्त छलफलपछि नै झलनाथ खनालको नेतृत्वमा दलको बैठकमा सहभागी हुने निर्णय भएको हो ।

यसअघि शनिबार बालुवाटारमा नै बसेको दलको बैठक यो समूहले बहिष्कार गरेको थियो ।

प्रकाशित : चैत्र १३, २०७७ १५:४१
पूरा पढ्नुहोस्
प्रतिक्रिया
पठाउनुहोस्
x
×