सिन्धुलीमा सवारी दुर्घटनामा दम्पती सख्त घाइते

प्रहरीका अनुसार कमलामाइ नगरपालिका ९ को हर्दियामा सिन्धुलीतर्फ आउँदै गरेको प्रदेश २, ०१–००१ प ५६६३ नं को मोटरसाइकल विपरीत दिशाबाट जाँदै गरेको पिकअप गाडीसँग ठक्कर खाँदा मोटरसाइकल चालक सप्तरी डाक्नेश्वर नपा ८ का सन्तोष साह र उनकी श्रीमती १९ वर्षीय पुजा साह सख्त घाइते भएका छन् । उनीहरु दुवैको टाउमा चोट लागेको छ ।

घाइतेलाई महोत्तरीको बर्दिवासमा रहेको शुभस्वस्तिक अस्पतालमा प्राथमिक उपचारपछि काठमाडौं पठाइएको सिन्धुली प्रहरीका डिएसपी मनोज लामाले जानकारी दिए । प्रहरीका अनुसार साहकी श्रीमती गर्भवती छिन् ।