काभ्रेमा चट्याङ लागेर एकको मृत्यु
काभ्रे — चट्याङ लागेर खानीखोला –४, डाँडागाउँमा एक जनाको मृत्यु भएको छ । घरमै बसिरहेका ४६ वर्षीय पञ्चमान जिम्बाको बुधबार चट्याङ लागेर मृत्यु भएको प्रहरीले जनाएको छ । सो स्थान चट्याङ उच्च जोखिमयुक्त क्षेत्र मानिन्छ । वर्षेनी १–२ जनाले चट्याङकै कारण ज्यान गुमाउने गरेका छन् ।
यस्तै बेथानचोक–१ मा चट्याङ लागेर २ चौपाया क्षति भएको छ । सामान्य घाइते भएका दुई जनालाई अस्पताल ल्याइएको स्थानीय नवराज सापकोटाले जानकारी दिए ।
प्रकाशित : फाल्गुन ५, २०७७ २१:५५