ओली पक्षद्वारा मकवानपुरको पार्टी कार्यालयमा तालाबन्दी- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

ओली पक्षद्वारा मकवानपुरको पार्टी कार्यालयमा तालाबन्दी

सुवास विडारी

मकवानपुर — नेपाल कम्युनिष्ट पार्टी (नेकपा) मकवानपुरको कार्यालयमा ओली पक्षले तालाबन्दी गरेको छ । सोमबार ओली पक्षबाट केहीदिन अघि मात्रै जिल्ला अध्यक्ष घोषित भएका एकालाल श्रेष्ठ र जिल्ला सहइञ्चार्ज रामेश्वर रानाको उपस्थितिमा कार्यालयमा तालाबन्दी गरिएको हो । यसअघि दुवै पक्षले पार्टी कार्यालय कुरेर बस्ने गरेको थियो ।

पार्टी कार्यालय दुरुपयोग गरेर विभिन्न कार्यक्रम आयोजना हुन थालेको भन्दै ओली पक्षले तालाबन्दी गरेको हो । विभिन्न भातृ संगठनका नेताहरुको उपस्थितिमा पार्टी कार्यालयमा कोणसभा आयोजना गरेर तालाबन्दी गरिएको थियो ।

ओली पक्षिय नेताहरुले दाहाल–नेपाल समूहले अनावश्यक कार्यक्रम आयोजना गरेर पार्टी कार्यालयबाटै गुटगत गतिविधि बढाएको आरोप लगाएको छ । ‘हामीले विभिन्न समयमा पार्टी कार्यालयमा कुनै पनि किसिमको गुटगत गतिविधि नगर्न चेतावनी दिएका थियौं । तर, गुटगत भेला नरोकिएपछि तालाबन्दी गरेका हौं,’ नेकपा मकवानपुरका युवा नेता सन्तोष चौलागाईंले भने । ओली पक्षले यसअघि जिल्ला अध्यक्ष मुनु सिग्देल र सचिव प्रेमबहादुर पुलामीलाई कारबाही गरेर पार्टी पदमुक्त गरिसकेको छ ।

नेकपा मकवानपुरमा इञ्चार्ज बिरोध खतिवडा, सहइञ्चार्ज कुमारी मोक्तान, जिल्ला अध्यक्ष मुनु सिग्देल, सचिव प्रेमबहादुर पुलामीलगायत नेकपा दाहाल–नेपाल पक्षमा रहेका छन् । अहिले नेकपा पार्टी कार्यालयको ढोकामा दुईवटा ताल्चा झुण्डिएका छन् ।

प्रकाशित : पुस २७, २०७७ १६:५१
प्रतिक्रिया
पठाउनुहोस्

नागरिकमाथिको दमन निन्दनीय : पशुपति शमशेर

कान्तिपुर संवाददाता

काठमाडौँ — राष्ट्रिय प्रजातन्त्र पार्टी (राप्रपा) का अध्यक्ष पशुपति शमशेर जबराले २९९ औं पृथ्वी जयन्तीका अवसरमा पृथ्वीनारायण शाहप्रति श्रद्धा अर्पण गर्ने क्रममा दमन गरेर सरकारले नागरिकको नैसर्गिक अधिकार र लोकतन्त्रविरोधी कार्य गरेको भन्दै भर्त्सना गरेका छन् ।

‘सरकारको लोकतन्त्र विरोधी कार्यको राप्रपाले सडकमा विरोध गरिरहने छ । राष्ट्र निर्माताप्रति श्रद्धान्जली अर्पण गर्ने नागरिकहरुमाथि सरकारको क्रुर दमन अत्यन्त निन्दनीय छ, अन्यायपूर्ण छ । यसको म कडा शब्दामा भत्र्सना गर्दछु,’ राप्रपा अध्यक्ष राणाले सोमबार भने ।

भद्रकालीमा भेला भएर शान्तिपूर्ण रुपमा पृथ्वीनारायण शाहको सिंहदरबारस्थित सालिकमा माल्यार्पण गर्नअघि बढेका नागरिकलाई प्रहरीले रोक लगाएको थियो । सोही क्रममा दुई पक्षबीच झडप भएको थियो ।


प्रकाशित : पुस २७, २०७७ १६:३८
पूरा पढ्नुहोस्
प्रतिक्रिया
पठाउनुहोस्
×