मकवानपुरमा नेकपा ओली समूहद्वारा नयाँ अध्यक्ष घोषणा- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

मकवानपुरमा नेकपा ओली समूहद्वारा नयाँ अध्यक्ष घोषणा

सुवास विडारी

मकवानपुर — नेकपा ओली समूहले एकालाल श्रेष्ठलाई अध्यक्ष चयन भएको घोषणा गरेको छ । शनिबार हेटौंडामा भएको ओली पक्षधरहरुको जिल्लास्तरीय कार्यकर्ता भेलामा जिल्ला सहइञ्चार्ज रामेश्वर रानाले केन्द्रीय सर्कुलर र जिल्लाको बैठकअनुसार अध्यक्षमा श्रेष्ठलाई चयन गरेको घोषणा गरेका थिए ।

ओली समूहले भेलाबाटै तत्कालीन नेकपा जिल्ला अध्यक्ष मुनु सिग्देल र सचिव प्रेमबहादुर पुलामीलाई अनुशासनको कारबाही गर्दै पार्टीबाट निष्कासन गरेको छ । सिग्देल र पुलामी दाहाल–नेपाल समूहका हुन् । उनीहरु दुवै प्रदेशसभा सदस्य छन् ।

दुवैले मुख्यमन्त्री डोरमणि पौडेलविरुद्ध अविश्वासको प्रस्तावमा हस्ताक्षर गरेका छन् । सिग्देल र पुलामी पार्टीविरुद्ध लागेको नेकपा ओली समूहको आरोप छ ।

कार्यकर्ता भेला कार्यक्रमका प्रमुख अतिथि उपप्रधानमन्त्री ईश्वर पोखरेल थिए ।

प्रकाशित : पुस २५, २०७७ १८:३१
प्रतिक्रिया
पठाउनुहोस्

मन्त्री अर्याललाई गृहजिल्लामा कालो झन्डा देखाइयो

प्रतीक्षा काफ्ले

गण्डकी — कृषिमन्त्री पद्मा अर्याललाई गृहजिल्ला स्याङ्जामा कालो झन्डा देखाइएको छ । वालिङको पतञ्जली भवन अगाडि कांग्रेस कार्यकर्ताले कालो झन्डा देखाएका हुन् । नेकपा ओली समूहको कार्यकर्ता भेलालाई सम्बोधन गर्न गृहजिल्ला आएकी मन्त्री अर्याललाई तरुण दल र नेबिसंघले कालो झन्डा देखाउँदै विरोध जनाएका हुन् ।

प्रधानमन्त्री केपी शर्मा ओलीले प्रतिनिधिसभा विघटन गरेपछि कांग्रेसले तय गरेको केन्द्रीय विरोधको कार्यक्रमअन्तर्गत वालिङमा प्रधानमन्त्री ओली र राष्ट्रपति विद्यादेवी भण्डारीको पुत्ला दहन गरेको तरुण दल वालिङ नगर सभापति आशिषप्रताप खाँणले बताए । सोही समयमा आएकी मन्त्री अर्याललाई कालो झन्डा देखाएर विरोध गरिएको उनले बताए । उनका अनुसार शनिबार एक घण्टा सिद्धार्थ राजमार्गमा चक्काजाम गरिएको छ ।

नेकपा ओली समूहको सिटिहलमा भेला आयोजना गरिएको थियो । कांग्रेसको विरोध कार्यक्रम भइरहेको बेला सवार मन्त्रीलाई कालो झन्डा देखाउदा प्रहरी र कांग्रेस कार्यकताबीच सामान्य झडप भएको खाँडले बताए । मन्त्री अर्याल मूलबाटोमा कांग्रेसको विरोधसभालाई छलेर भित्री बाटोबाट नेकपाले आयोजना गरेको कार्यक्रमस्थल गएकी थिइन् ।

प्रकाशित : पुस २५, २०७७ १८:२२
पूरा पढ्नुहोस्
प्रतिक्रिया
पठाउनुहोस्
×