७० नाघेकालाई घरैमा स्वास्थ्य सेवा

चेपाङ बाहुल्य राक्सिराङमा चिकित्सक नियुक्त गरेर ७० वर्ष उमेर पार गरेका वृद्धवृद्धालाई घरमै निःशुल्क स्वास्थ्य परीक्षण र औषधि उपलब्ध गराउन थालिएको हो ।

शुक्रबार राक्सिराङ–८ देवीटारबाट कार्यक्रमको सुरुवात भएको हो । ७० वर्ष कटेका स्थानीय बासिन्दालाई घरमै पुगेर निःशुल्क उपचार सेवा सुरु गरेको गाउँपालिकाका अध्यक्ष राजकुमार मल्लले बताए । आर्थिक अवस्था कमजोर भएकै कारण सामान्य रोगको उपचार गर्न नसकेर ज्यान गुमाउनुपर्ने अवस्थालाई कार्यक्रमले न्यूनीकरण गर्ने उनको भनाइ छ ।

प्रतिष्ठानका चिकित्सकसँग प्रत्यक्ष सम्पर्क गरी बिरामीको उपचार गरिने उद्देश्यअनुरूप सम्झौता गरिएको हो । कार्यक्रम सञ्चालन गर्न गाउँपालिकाले एमबीबीएस चिकित्सक नियुक्त गरेको छ ।