बलात्कार र हत्या आरोपित किशोर थुनामा

बालिकाको बलात्कारपछि हत्या गरेको आरोपमा पक्राउ परेका किशोर हेटौंडा नजिकैको गाउँपालिकाका हुन् । मंसिर २ गते बुबाआमासँगै छिमेकीको पूजामा गएकी बालिकालाई ‘घर जाउँ’ भनी लगेर बलात्कारपछि ढुंगाले हिर्काएर हत्या गरेको खुलेपछि किशोरलाई प्रहरीले नियन्त्रणमा लिएको थियो । मनसाही खोलाको बगरमा बलात्कार गरेको र त्यहीं हत्या गरेको अनुसन्धानमा खुलेको हो ।

बालिका हराएपछि खोज्ने क्रममा बगरमा रगताम्य अवस्थामा शव भेटिएको थियो । प्रहरीका अनुसार खोजतलासमा अघि सरेका ती किशोरले नै शव देखाएका थिए । ९ कक्षामा पढ्ने किशोर पछिल्लो समयमा लागूऔषध सेवन गर्न थालेको पनि खुलेको छ ।