अधिकार कटौतीप्रति महासंघको आपत्ति

महासंघको बुधबार काठमाडौंमा बसेको पूर्ण बैठकले गृह मन्त्रालयले जिससको जिल्ला अनुगमन समितिलाई बेवास्ता गर्दै घुमाउरो तरिकाले प्रमुख जिल्ला अधिकारीलाई प्राकृतिक स्रोतको जिम्मेवारी दिइएको प्रति असहमति जनाएको हो ।

जिसस मकवानपुरका प्रमुख एवं जिसस महासंघ वाग्मती प्रदेशका अध्यक्ष रघुनाथ खुलालको अध्यक्षतामा बसेको बैठकले मापदण्ड सुधारका लागि गृह मन्त्रालय तथा सामान्य प्रशासन मन्त्रालयमा ध्यानाकर्षण गराउने निर्णय गरेको छ ।

बैठकले जिसस दरबन्दीअनुसार प्राविधिक कर्मचारी तुरुन्त पठाउन वा कार्यालयलाई प्राविधिक कर्मचारी करारमा नियुक्त गर्न अनुमति दिनुपर्नेसमेत निर्णय गरेको छ ।