नुवाकोटमा चन्द समूहका ३ जना जिल्लास्तरीय नेता पक्राउ- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

नुवाकोटमा चन्द समूहका ३ जना जिल्लास्तरीय नेता पक्राउ

कृष्ण थापा

नुवाकोट — नेत्रविक्रम चन्द समूहका तीन जना जिल्लास्तरीय नेता पक्राउ परेका छन् । पक्राउ पर्नेमा सूर्य गढीगाउँपालिका २ का ४१ वर्षीय रामकुमार अधिकारी, ककनी गाउँपालिका ३ का ४३ वर्षीय शम्भुप्रसाद ढुंगाना र ४५ वर्षीय विनोद ढुंगाना रहेका जिल्ला प्रहरी कार्यालयले जनाएको छ । 

विदुर नगरपालिका ४ बट्टार बजारमा शंकास्पद गतिविधि गरेर हिँड्डुल गरिरहेको अवस्थामा अधिकारीलाई नियन्त्रणमा लिएको प्रहरीले जनाएको छ । उनीसँग सोधपुछ र खानतलासी गर्दा चन्दा रसिद, पार्टीको पर्चा र अन्य कागजात बरामद भएको छ ।

पर्चा पम्प्लेट वितरण गरी गाउँमै लुकिछिपी बसेको अवस्थामा ढुंगानाद्वयलाई पक्राउ गरिएको जिल्ला प्रहरी कार्यालयका सूचना अधिकारी एवं डिएसपी हरिबहादुर वलीले बताए । उनीहरुलाई प्रहरीले आइतबार राति १ बजे विशेष टोली परिचालन गरी पक्राउ गरेको जनाएको छ । उनीहरुमाथि आवश्यक कारबाहीका लागि कानुनी प्रक्रिया अगाडि बढाइएको छ ।

प्रकाशित : मंसिर ९, २०७७ १७:१०
प्रतिक्रिया
पठाउनुहोस्

होम आइसोलेसनमा रहेका धनकुटाका कोरोना संक्रमितको मृत्यु

रमेशचन्द्र अधिकारी

धनकुटा — धनकुटामा कोरोना भाइरसको संक्रमणका कारण मंगलबार एक जनाको मृत्यु भएको छ । मृत्यु हुनेमा धनकुटा नगरपालिका–४ देब्रेबासका ५८ वर्षीय पुरूष रहेको स्वास्थ्य कार्यालयले जनाएको छ ।

विराटनगरस्थित नोबेल अस्पतालमा आइतबार संक्रमण पुष्टि भएका उनी धनकुटास्थित घरमा आइसोलेसनमा थिए । मृगौलाका रोगी उनको डायलसिसका क्रममा पीसीआर जाँच गराउँदा कोरोना पोजिटिभ रिपोर्ट आएको स्वास्थ्य कार्यालय प्रमुख तुलसीप्रसाद गुरागाईंले जानकारी दिए ।

मृतकको मंगलबार धनकुटा खोला र तमोर नदी दोभानमा नेपाली सेनाले शव व्यवस्थापन गरेको छ । योसँगै जिल्लामा कोरोना संक्रमणबाट ७ जनाको मृत्यु भएको छ । यस्तै, हाल होम आइसोलेसनमा १९ जना संक्रमित रहेका छन् । यसैगरी महालक्ष्मी नगरपालिकाको कोभिड अस्पतालमा ५ जना उपचाररत छन् ।

प्रकाशित : मंसिर ९, २०७७ १६:४४
पूरा पढ्नुहोस्
प्रतिक्रिया
पठाउनुहोस्
×