सिन्धुलीमा ट्याक्टर दुर्घटना : चालकको मृत्यु

सिर्थौली नयाँटोलबाट छपाहातर्फ मल लिन जाँदै गरेको ना ५ त १९५१ नम्बरको खाली ट्याक्टर दुर्घटना हुँदा सिर्थौली–५ का २१ वर्षीय चालक वियसकुमार दनुवारको मृत्यु भएको प्रहरीले जनाएको छ ।

दुर्घटनामा परी गम्भीर घाइते भएका चालक दनुवारको सिन्धुली अस्पतालमा ल्याउनासाथ मृत्यु भएको सिन्धुली प्रहरीका डीएसपी श्यामबहादुर खत्रीले जानकारी दिए ।