नुवाकोटमा मंगलबार रातिदेखि निषेधाज्ञा
काठमाडौँ — वाग्मती प्रदेशको नुवाकोटमा स्थानीय प्रशासनले मंगलबार रातिदेखि निषेधाज्ञा जारी गर्ने निर्णय गरेको छ । काठमाडौंका अस्पताल संक्रमितले भरिएको, आईसीयू तथा भेन्टिलेटर सेवा पर्याप्त नभएको बताउँदै प्रमुख जिल्ला अधिकारी झंकनाथ ढकालले संक्रमणले जटिल परिस्थिति सिर्जना गरेकाले निषेधाज्ञा जारी गर्नुपरेको बताए ।
जिल्लामा खेलकुद, नाच, मेला, देउसीभैलो तथा भीडभाडमा रोक लगाइएको छ । जात्रा, महोत्सव, भोजभतेर, हाटबजार, भेला, सभा, जुलुस वा प्रदर्शनजस्ता कार्यमा समेत रोक लगाइएको प्रजिअ ढकालले बताए ।
मन्दिर, गुम्बा, चैत्य, विहार, मस्जिद, चर्च आदिमा सामूहिक भेला हुन, सामूहिक रूपमा आश्रय लिई बस्न, सम्मेलन तथा जमघटका कार्यक्रम नगर्न भनिएको छ ।
प्रकाशित : कार्तिक २४, २०७७ २१:०५प्रतिक्रिया