साँखुमा टेम्पो दुर्घटना हुँदा एक जनाको मृत्यु- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

साँखुमा टेम्पो दुर्घटना हुँदा एक जनाको मृत्यु

रासस

काठमाडौँ — शङ्खरापुर नगरपालिकाको साँखुमा बिहीबार टेम्पो दुर्घटना हुँदा एक जनाको मृत्यु भएको छ ।

दुर्घटनामा परी काभ्रेको मण्डनदेउपुर नगरपालिका निवासी प्रह्लाद बस्ताकोटीको घटनास्थलमै मृत्यु भएको महानगरीय प्रहरी प्रभाग साँखुका प्रहरी निरीक्षक जानुका खरेलले जानकारी दिइन् ।

१३५७ अस्थायी नम्बरको नयाँ टेम्पो साँखु–कात्तिके सडकखण्डको लम्बुडाँडा मोडबाट २०–२५ मिटर तल खसेको थियो । दुर्घटनामा चार जना घाइते भएका छन् । घाइते सबैको अवस्था सामान्य रहेको खरेलले बताइन् । उनीहरुको साँखुस्थित पिपुल्स लाइफ केयर अस्पतालमा उपचार भइरहेको प्रहरीले जनाएको छ ।

प्रकाशित : कार्तिक ६, २०७७ १३:१७
प्रतिक्रिया
पठाउनुहोस्

इरान र रुसले निर्वाचन प्रभावित पार्न खोजेको अमेरिकी गुप्तचर निकायको आरोप

इरानले डेमोक्रेटिक मतदाताहरुलाई डर देखाउँदै इमेल पठाएको पाइयो : न्‍यासनल इन्टेलिजेन्स
एजेन्सी

वासिङ्टन — अमेरिकी गुप्तार निकायका अधिकारीहरुले इरानले अमेरिकी चुनावलाई प्रभावित पार्न डेमोक्रेटिक मतदाताहरुलाई डर धम्की देखाउँदै इमेल पठाएको आरोप लगाएको छ ।

न्यासनल इन्टेलिजेन्सका निर्देशक जोन र्‍याटक्लिफले ती इमेल चरण दक्षिणपन्थी ट्रम्प समर्थक समूहबाट अमेरिकामा अस्थिरता पैदा गराउनका लागि पठाइएको दाबी गरे । निर्देशक र्‍याटक्लिफले अमेरिकी अधिकारीहरुले रुस र इरानले अमेरिकी मतदाताको व्यक्तिगत जानकारी अवैधानिक रुपमा हासिल गरेको पनि पत्ता लगाएको बताए ।

अमेरिकामा राष्ट्रपति चुनाव हुनुभन्दा १३ दिनअघि अमेरिकी सुरक्षा निकायमा उच्च अधिकारीबाट यस्तो कुरा आएको हो । आउँदो नोभेम्बर ३ मा हुने चुनावमा वर्तमान राष्ट्रपति डोनाल्ड ट्रम्पलाई डेमोक्रेटिक उम्मेदवार जो बाइडेनले कडा टक्कर दिँदैछन् । कतिपय मत सर्वेक्षणमा ट्रम्पभन्दा बाइडेन अगाडि देखिएका छन् ।

वासिङ्टनमा आयोजित ब्रिफिङमा निर्देशक र्‍याटक्लिफले इरानले फर्जी इमेल पठाएर अन्योल पैदा गर्दै प्रजातन्त्रप्रतिको अमेरिकी नागरिकको आत्मविश्वासलाई कमजोर पार्ने प्रयास गरेको आरोप लगाए ।

रुसले इरानले झैं नगरे पनि अमेरिकी मतदाताबारे सूचना भने प्राप्त गरेको निर्देशक र्‍याटक्लिफले बताए । उनले अमेरिकी नागरिकलाई डर देखाउने र तथ्य तोडमोड गरी आएका इमेलबाट नडराउन र त्यसलाई नफैलाउन पनि आग्रह गरेका छन् । ती सूचना रुस र इरानले कसरी प्राप्त गरे भन्नेबारे भने निर्देशक र्‍याटक्लिफले केही बताएनन् ।

ब्रिफिङमा अमेरिकीको संघीय अनुसन्धान ब्युरो (एफबीआई) का निर्देशक क्रिस्टोफर रेसमेत उपस्थित थिए । उनले अमेरिकी चुनाव प्रणाली अहिले पनि सुरक्षित रहेकाले नआत्तिन आग्रह गरे । 'तपाईं ढुक्क हुनुहोस् तपाईंको मतले अर्थ राख्छ,' उनले भने ।

यसअघि सन् २०१६ को राष्ट्रपतीय चुनावमा पनि रुसले प्रभावित गर्न खोजेको आरोप लाग्दै आएको छ । रुसले त्यसलाई अस्वीकार गर्दै आए पनि ट्रम्पलाई जिताउन डेमोक्रेटिक पार्टीको कम्प्युटर प्रणाली रुसले ह्याक गरेको आरोप लाग्ने गरेको छ ।

प्रकाशित : कार्तिक ६, २०७७ १२:४३
पूरा पढ्नुहोस्
प्रतिक्रिया
पठाउनुहोस्
×