बेलकोटगढीमा सामूहिक जमरा- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

बेलकोटगढीमा सामूहिक जमरा

कान्तिपुर संवाददाता

नुवाकोट — गाउँका सबै जातजाति मिलेर जमरा राख्दै आएको बेलकोटगढीस्थित निरञ्जना देवीथानमा यस पटक सहभागिता घटेको छ । पोहोर २ सय ३५ घरधुरीले मन्दिरमा सामूहिक जमरा राखेका थिए । 

शनिबार १ सय २६ घरधुरीले जमरा राखेको बेलकोटगढी–१० का भोलाराज पौडेलले बताए । ‘भिडभाडमा बस्नुपर्छ भनेर यो पटक कोरोनाको डरले समूहमा जमरा राख्ने घटेका हुन्,’ उनले भने, ‘दलित, गैरदलित र जनजाति मिलेर देवी दुर्गाको प्रसादस्वरूप यहाँ जमरा राख्ने चलन वर्षौंदेखिको हो ।’ कोरोनाबाट जोगिन सतर्कता अपनाएर यो पटक जमरा राखिएको उनले बताए । ‘जमरा राख्ने–नराख्ने दुविधामा थियौं । भिडभाड नगरी स्वास्थ्य मापदण्ड अपनाएर जमरा राख्यौं,’ उनले भने ।

स्थानीय भीमबहादुर नेपाली नवरात्र सुरु भएपछि देवीथानमा नगरा बजाउँछन् । उनले पनि एक टपरी जमरा यहीँ राखेका छन् । ‘यहाँ भेदभाव छैन,’ उनले भने, ‘सबै मिलेर जमरा राखियो ।’ उनी यही जमरा राखेको मन्दिरमा साँझबिहान नगरा बजाउँछन् । जमरा राख्न स्थानीयहरू बिहान नुहाईधुवाई गरेर सफा ठाउँ र नदीकिनारबाट माटो वा बालुवा ल्याएर टपरी र भुइँमा जमरा राख्छन् । सबै मिलेर जमरा राख्ने चलनले यस पटक पनि निरन्तरता पाएको निरञ्जना मन्दिरका पुजारी महेश पौडेलले बताए ।

‘कोरोनाका कारण प्रशासनले निषेधाज्ञा गरेकाले घटस्थापनामा पोहोर जस्तो भिड हुन पाएन,’ उनले भने । यहाँका मगर समुदायले निरञ्जना भगवतीलाई आफ्नो कुलदेवीका रूपमा पुज्छन् । त्यसैगरी शनिबार साततले दरबार उत्तरपट्टि रहेको तुलजा भवानी दरबारमा पनि जमरा राखिएको छ । तुलजा भवानीको दरबारमा काठमाडौं हनुमानढोकाकै विधिअनुसार जमरा राख्ने चलन छ ।

प्रकाशित : कार्तिक १, २०७७ १८:४२
प्रतिक्रिया
पठाउनुहोस्

साताका ७ तस्बिर

यो साताका ७ तस्बिरमा सेनाको गुडाउँदै गरेको हेलिकप्टरदेखि बलात्कारका घटना विरुद्धको प्रदर्शनसम्मः
कान्तिपुर संवाददाता

काठमाडौँ — पुनर्निर्माणपछि रातीको समयमा धपक्क बलेको रानी पोखरी । तस्बिरः अंगद ढकाल

भक्तपुरको याछेँ ६ स्थित ७४ वर्षीय पूर्ण चित्रकार नवदुर्गा देवगणको मुकुण्डो तयार पार्दै । तस्बिरःबिजु महर्जन ।

नवरात्रको पहिलो दिन घटस्थापनाको अवसरमा काठमाडौंको हनुमान ढोकास्थित नासल चोकमा रहेको दसैंघरमा जमरा राख्नुअघि बन्दुक पड्काइदैन । तस्बिरःसन्जोग मानन्धर

देशमा बलत्कारको घटना दिन प्रतिदिन बढिरहँदा समेत सरकार मौन बसेको भन्दै बलत्कारीलाई कडा सजाएको माग गर्दै माइतीघरमा मण्डलामा प्रदर्शन गर्दै विद्यार्थीहरु । तस्बिर : केशव थापा

टौखेल-बडिखेल क्षेत्रमा खेतमा धान काटिरहेको किसानहरुको हवाइ दृश्य तस्बिरः इलिट जोशी

गंगबुस्थित निर्माणाधिन अवस्थामा रहेको सडकमा मोटरसाइकल अड्किएपछि पछाडिबाट धकेलिँदै । तस्बिर: अनिश रेग्मी

'डिकमिसन' गरिएको नेपाली सेनाको एमआई १७ हेलिकप्टर बिहीबार राति त्रिभुवन अन्तर्राष्ट्रिय विमानस्थलबाट भक्तपुर खरिपाटीस्थित सैनिक प्रतिष्ठान लगिदै । तस्बिरः अंगद ढकाल


प्रकाशित : कार्तिक १, २०७७ १८:२९
पूरा पढ्नुहोस्
प्रतिक्रिया
पठाउनुहोस्
×