कोरोनाबाट हेटौंडाका दुई वृद्धको मृत्यु- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

कोरोनाबाट हेटौंडाका दुई वृद्धको मृत्यु

प्रताप विष्ट

हेटौडा — हेटौंडा उपमहानगरपालिका—९ का कोरोना संक्रमित दुई जना वृद्धको बुधबार राति मृत्यु भएको छ । एक जनाको चितवनस्थित मेडिकल कलेजमा र अर्का एक जनाको घरमै मृत्यु भएको वडाध्यक्ष लक्षमणप्रसाद भण्डारीले वताए । उनका अनुसार बुधबार साँझ ७७ वर्षीय वृद्धको घरमै मृत्यु भएको हो भने ६८ वर्षीय पुरुषको चितवनस्थित चितवन मेडिकल कलेजमा मृत्यु भएको हो ।

तस्बिरः सटरस्टक ।

चितवनमा मृत्यु हुने वृद्धको कोरोना संक्रमण पुष्टि भएर उपचारको क्रममा मृत्यु भएको र अर्का वृद्धको भने स्वाब परीक्षणका लागि बुधबार बिहानै पठाइएको भए पनि मृत्युपछि मात्रै सङ्क्रमण पुष्टि भएको हो ।

बिरामी भएर घरमै रहेका वृद्धको छोरामा कोरोना संक्रमण पुष्टि भएकोले स्वास्थ्यमा समस्या देखिएपछि बुधबार बिहानै स्वाब संकलन गरिएको वडा अध्यक्ष भण्डारीले बताए । मृत्यु भएपछि मात्रै वृद्धमा कोरोना संक्रमण पुष्टि भएको जानकारी आयो ।

मकवानपुरमा यी दुई वृद्धसहित कोरोना संक्रमणबाट १९ जनाको मृत्यु भइसकेको छ । मृत्यु हुनेमा ६ जना महिला र १३ पुरुष रहेका छन् । तीमध्ये ५ दिनको बालिका पनि कोरोना संक्रमणले मृत्यु भएको स्वास्थ्य कार्यालय मकवानपुरका प्रमुख प्रणय उपाध्यायले बताए ।

प्रकाशित : आश्विन २९, २०७७ १५:५४
प्रतिक्रिया
पठाउनुहोस्

तनहुँका कोरोना संक्रमितको मृत्यु

प्रतीक्षा काफ्ले

गण्डकी — कोरोना भाइरसबाट संक्रमित भएका तनहुँका ६५ वर्षीय पुरुषको बिहीबार पोखरास्थित गण्डकी मेडिकल कलेजका मृत्यु भएको छ ।

तनहुँको व्यास नगरपालिका–३ घर भई जिएमसीको भेन्टिलेटरमा उपचाररत उनको बुधबार राति ११ बजे मृत्यु भएको प्रदेश स्वास्थ्य निर्देशनालयले जनाएको छ ।

निर्देशनालयले विज्ञप्ति जारी गर्दै मृतकलाई मधुमेह र उच्च रक्तचापको समस्या रहेको बताएको छ । उनीसँगै गण्डकी प्रदेशमा कोरोना भाइरसका कारण मृत्यु हुनेको संख्या ४७ पुगेको छ ।

प्रकाशित : आश्विन २९, २०७७ १५:४८
पूरा पढ्नुहोस्
प्रतिक्रिया
पठाउनुहोस्
×