आत्महत्या दुरुत्साहन मुद्दाका आरोपीलाई पुर्पक्षका थुनामा राख्‍न आदेश

जिल्ला न्यायाधीश स्वीकृति पराजुलीको इजलासले खाँडादेवी गाउँपालिकाका शिक्षक भोजबहादुर भण्डारीलाई आत्महत्या गर्न दुरुत्साहन गरेको अभियोग लागेका भटौलीका गुणराज तामाङ, सहदेव मगर र प्रदिप भन्ने जफलबहादुर गोलेलाई पुर्पक्षमा राख्न आदेश दिएको हो ।

भण्डारीले आत्महत्या गर्नुअघि छोडेको पत्रमा उनीहरुको नाम उल्लेख गरेका थिए । परिवारजनले सोही पत्रका आधारमा जाहेरी दिएपछि प्रहरीले अनुसन्धान गरेको थियो ।

प्रहरी निरीक्षक टेकेन्द्र शर्मा पौडेलले आत्महत्या दुरुत्साहन मुद्दामा अदालतबाट आदेश आएपछि तीनै जनालाई रामेछाप कारागार पठाइएको बताए ।