लागूऔषधसहित मकवानपुरमा दुई जना पक्राउ
हेटौंडा — मकवानपुरमा लागूऔषधसहित दुईजना पक्राउ परेका छन् । त्रिभुवन राजपथ सडकखण्डमा भीमफेदी–२, भैंसेबाट प्रहरीले लागूऔषध नाइट्रोभेटसहित २ जना पक्राउ गरेको हो ।
प्रहरी चौकी भैंसेबाट प्रहरी नायव निरीक्षक कुलबहादुर श्रेष्ठको कमाण्डमा खटिएको चेकिङ टोलीले हेटौंडाबाट काठमाडौं जाँदै गरेको बा ९६ प ३२८५ नम्बरको मोटरसाइकललाई रोकी जाँच गर्दा ८७० ट्याबलेट नाइट्रोभेटसहित २ जनालाई पक्राउ गरेको छ ।
पक्राउ पर्नेमा मोटरसाइकल चालक प्युठान मल्लरानी गाउँपालिकाका सतिश दमाल मगर र सोही मोटरसाइकलमा सवार कालीकोट घोचायबाडा गाउँपालिकाका बज्र रोकाया रहेको प्रहरी नायब उपरीक्षक इन्द्रबहादुर रानाले जानकारी दिए ।
प्रकाशित : आश्विन २०, २०७७ १८:०६