रामेछाप — जनप्रतिनिधि र कर्मचारीमा कोरोना संक्रमण भएपछि रामेछाप नगरपालिका कार्यालय ५ दिनका लागि बन्द गरिएको छ । आइतबार दुई जनालाई कोरोना संक्रमण पुष्टि भएको थियो ।
प्रमुख प्रशासकीय अधिकृत रामचन्द्र लामगादेले कोरोना संक्रमणका कारण नगरपालिकाका सबै कार्य ठप्प हुने जनाएका छन् । उनले कोरोना संक्रमण देखिएको वडाबाहेकका वडामा भने काम हुने जनाए । यसअघि मन्थली नगरपालिका समेत साता दिनका लागि सिल भएको थियो ।