खोलाले बगाएर दम्पतीको मृत्यु
मकवानपुर — मकवानपुरको मकवानपुरगढी गाउँपालिकास्थित सामरी खोलाले बगाउँदा आइतबार एक दम्पतीको मृत्यु भएको छ।
मकवानपुरगढी गाउँपालिका–६ का ज्ञानबहादुर परियार र उनकी पत्नी तुलसा मकवानपुरगढी गाउँपालिका–३ तर्फ जान सामरी खोला तर्ने क्रममा बिहान १० बजे खोलाले बगाउँदा उनीहरुको मृत्यु भएको जिल्ला प्रहरी कार्यालय मकवानपुरले जनाएको छ ।
इलाका प्रहरी कार्यालय मकवानपुरगढीका प्रहरी नायब निरीक्षक कृष्ण केसीका अनुसार खोलाले बगाएर उनीहरुलाई करिब ६० मिटर तल पुर्याएको थियो । उनीहरुको शव पोस्टमार्टमा लागि हेटौंडा अस्पताल ल्याइएको छ । मकवानपुरमा शनिबार खोलाले बगाउँदा तीनजनाको मृत्यु भएको थियो ।
प्रकाशित : आश्विन ११, २०७७ १४:२३