दुर्घटनामा मोटरसाइकल चालकको मृत्यु- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

दुर्घटनामा मोटरसाइकल चालकको मृत्यु

कान्तिपुर संवाददाता

मकवानपुर — पूर्वपश्चिम राजमार्गअन्तर्गत् हेटौंडा–चितवनको खण्डको मनहरी गाउँपालिका–९, खरङ्गामा सवारी दुर्घटना हुँदा एक जनाको मृत्यु भएको छ ।

हेटौंडाबाट मनहरीतर्फ जाँदै गरेको ना.४३ प ७२ नम्बरको मोटरसाइकल विपरीत दिशाबाट आउँदै गरेको ना. ५ ख ४६५२ नम्बरको ट्रकसँग शनिबार अपरान्ह ५ बजेको समयमा ठक्कर खाँदा मोटरसाइकल चालकको मृत्यु भएको हो । मृत्यु हुनेमा बारा रतनपुरका ३० वर्षीय सूर्य स्याङ्तान रहेका छन् ।

उनको उपचारको क्रममा चुरेहिल अस्पतालमा मुत्यु भएको जिल्ला प्रहरी कार्यालय मकवानपुरले जनाएको छ ।

दुर्घटनामा मोटरसाइकलको पछाडि सवार बारा बस्ने अन्दाजी १८ वर्षीया बिनिता स्याङ्तान घाइते भएकी छिन् । उनलाई उपचारका लागि चुरेहिल अस्पतालमा ल्याइएको र अवस्थामा गम्भीर रहेको प्रहरीले जनाएको छ ।

प्रकाशित : आश्विन १०, २०७७ १८:१८
प्रतिक्रिया
पठाउनुहोस्

ईपीएस नियम केही सहज हुने

गोकुल थोकर

दक्षिण कोरिया — दक्षिण कोरियाली सरकारले रोजगार अनुमति प्रणाली (ईपीएस) सम्बन्धी नियम केही सहज बनाउने भएको छ ।

यहाँको श्रम मन्त्रलयले बिहीबार नियम संशोधनका लागि संसद्‌मा पठाएको छ । नियम पारित भए पछि कोरियामा रहेका पाँच लाख भन्दा बढी ईपीएस भिसामा काम गरिरहेका विदेशी लाभान्वित हुने छन् ।

कोरियामा हालसम्म कम्पनीको कारण बाहेक कामदारले कम्पनी परिवर्तन गरेमा ४ वर्ष १० महिना भिसा सकिएर स्वदेश फर्किएपछि कोरिया आउन चाहे भाषा परीक्षा दिन पर्ने नियम छ । नयाँ नियम अनुसार कार्यस्थल परिवर्तन गरेको कामदारले पहिले गरेकै जस्तो काम गरेमा भाषा परिक्षा नदिइ नै कमिटेड कामदारको रुपमा कोरिया फर्कन पाउने छन् तर नयाँ कम्पनीमा १ वर्ष भन्दा बढी काम गरेको हुनु पर्नेछ ।

त्यसैगरी कमिटेड कामदारले ३ महिना पछि मात्रै कोरिया आउन पाउने हालको व्यवस्था परिवर्तन गरेर १ महिनामा पछि नै पहिलेको कम्पनीमा आउन पाउने छन् । कामदारले कम्पनीमा यौन दुर्व्यवहारमा परि कार्यस्थल परिवर्तन गरेको भए नयाँ कम्पनीमा १ वर्ष काम नगरे पनि सम्बन्धित निकायको सिफारिसमा पुन: कमिटेड कामदारको रुपमा आउन पाउने भएका छन् ।

यस अघिको ईपीएसको नियम राम्रो नभएको भन्दै कोरियाली मजदुर युनियन (केसीटीयू) र विदेशी कामदारहरुको लागि काम गर्ने प्रवासी मजदुर संगठन (एमटीयू)ले विरोध गर्दै आएका छन् । दुवै संस्थाले सरकारको कदम सकारात्मक भए पनि अझै धेरै सुधार हुन पर्ने प्रतिक्रिया दिएको छ ।

प्रकाशित : आश्विन १०, २०७७ १७:४६
पूरा पढ्नुहोस्
प्रतिक्रिया
पठाउनुहोस्
×