मकवानपुरको विमिरे र ज्यामिरे खोलामा एक-एक शव फेला- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

मकवानपुरको विमिरे र ज्यामिरे खोलामा एक-एक शव फेला

सुवास विडारी

मकवानपुर — मकवानपुरको छुट्टाछुट्टै स्थानमा खोलाले बगाएको अवस्थामा दुई वटा शव फेला परेको छ । शनिबार बिहान मकवानपुरको कैलाश गाउँपालिका र हेटौंडा उपमहानगरपालिकामा गरी दुई जनाको शव फेला परेको जिल्ला प्रहरी कार्यालय मकवानपुरले जनाएको छ ।

कैलाश गाउँपालिका वडा नम्बर ५ र १ को सीमामा पर्ने विमिरे खोलामा एक पुरुषको फेला परेको र अहिले इलाका प्रहरी कार्यालय पालुङको टोली त्यसतर्फ गएको प्रहरीले जनाएको छ ।

‘घटनास्थल पुुुुग्न पालुङबाट करिब ४ घण्टा लाग्ने भएकोले घटनाको थप विवरण भने प्राप्त हुन सकेको छैन,’ जिल्ला प्रहरी कार्यालय मकवानपुरका प्रहरी उपरीक्षक सुशीलसिं राठौरले जानकारी दिए ।

हेटौंडा–१९ मा पर्ने ज्यामिरे खोलामा पनि एक महिलाको शव फेला परेको र अहिले त्यसतर्फ इलाका प्रहरी कार्यालय कार्यालय नेवारपानीबाट प्रहरी टोली गइसकेको राठौरले बताए । उनका अनुसार अन्दाजी ४५ वर्षीया महिलाको शव खोलामा फेला परेको हो ।

प्रकाशित : आश्विन १०, २०७७ १२:४२
प्रतिक्रिया
पठाउनुहोस्

बीपी प्रतिष्ठानमा एक कोरोना संक्रमितको मृत्यु

प्रदीप मेन्याङ्बो

सुनसरी — धरानस्थित बीपी कोइराला स्वास्थ्य विज्ञान प्रतिष्ठानमा उपचाररत एक कोरोना संक्रमितको शनिबार बिहान मृत्यु भएको छ ।

प्रतिष्ठानका प्रवक्ता डा. निदेश सापकोटाका अनुसार मृत्यु हुनेमा राजविराज–३ सप्तरीका ६३ वर्षीय वृद्ध पुरुष रहेका छन् । मृतक वृद्ध मोरङको विराटनगरस्थित विराट मेडिकल कलेजमा भर्ना भएपनि ज्वरो, खोकी र श्वासप्रश्वासमा कठिन भएपछि असोज ८ गते प्रतिष्ठानको कोभिड अस्पतालमा रिफर भएका थिए ।

प्रतिष्ठानमा स्वाब संकलन गरेर पीसीआर जाँच गर्दा उनलाई असोज ८ गते नै कोरोना संक्रमण पुष्टि भएको थियो । भेन्टिलेटरमा राखेर उपचारको क्रममा नै मृत्यु भएको प्रतिष्ठानले जानकारी दिएको छ । योसहित प्रतिष्ठानमा कोरोनाबाट मृत्यु हुने संक्रमितहरुको संख्या ३४ पुगेको छ ।

प्रकाशित : आश्विन १०, २०७७ १२:३९
पूरा पढ्नुहोस्
प्रतिक्रिया
पठाउनुहोस्
×