पृथ्वी राजमार्ग दिनभर अवरुद्ध

बुधबार बिहानको पहिरो पन्छाउँदा पन्छाउँदै थप पहिरो गएपछि राजमार्गमा झन समस्या भएको गजुरीस्थित ईलाका प्रहरी कार्यालयका प्रहरी नायव उपरीक्षक विश्‍वराज खड्काले बताए । उनका अनुसार चिप्लो लेदो पन्छाउन सडक विभाग र स्थानीयसमेतका ५ वटा डोजर र एक्स्काभेटर प्रयोग गरिएको छ । उनले बाटो खुलाउने प्रयास साँझ सम्मै जारी रहेको बताए ।

मंगलबार रातिदेखिकै अविरल वर्षातपछि झरेको पहिरोले २ वटा मालवाहक कन्टेनर समेत च्यापिएका छन् ।

काठमाडौंबाट धनगढीतर्फ जाँदै गरेको ना ६ ख ६४०८ नम्बरको कन्टेनर पहिरोमा च्यापिएको छ भने काठमान्डौतर्फ जाँदै गरेको एच आर ३३ ९९०१ नम्बरको भारतीय कन्टेनर पनि हिलोमा दबिएको छ ।