१०४ केजी गाँजासहित मकवानपुरका ३ जना पक्राउ
मकवानपुर — मकवानपुर प्रहरीले १०४ केजी गाँजासहित मकवानपुरको पश्चिमी क्षेत्रमा अवस्थित राक्सिराङ गाउँपालिकाका ३ जनालाई नियन्त्रणमा लिएको हो ।
प्रहरीले मनहरी गाउँपालिका–६ लोथर खोलाको बगरबाट पूर्वपश्चिम राजमार्गतर्फ गाँजा ल्याउँदै गरेको अवस्थामा राक्सिराङ–९ का २६ वर्षीय रुप खड्का, ३० वर्षीय टलकबहादुर घलान र राक्सिराङ–४ का २७ वर्षीय मदन कोइरालालाई पक्राउ गरेको हो ।
प्रहरी चौकी सुनाचुरीबाट प्रहरी सहायक निरीक्षक हिरालाल श्रेष्ठको कमाण्डमा खटिएको टोलीले विशेष सूचनाको आधारमा उनीहरुलाई पक्राउ गरेको जिल्ला प्रहरी कार्यालय मकवानपुरले जनाएको छ ।
गाँजासहित पक्राउ परेकाहरुको विषयमा अनुसन्धान भइरहेको जिल्ला प्रहरी कार्यालय मकवानपुरका प्रहरी नायब उपरीक्षक इन्द्रबहादुर रानाले बताए ।
प्रकाशित : आश्विन ६, २०७७ १२:०३प्रतिक्रिया
