ट्रकको ठक्करबाट बालकको मृत्यु

भाद्र २८, २०७७हरिहरसिंह राठौर

धादिङ — बेनिघाट-१० तारपुलस्थित पृथ्वीराजमार्गमा ट्रकको ठक्करबाट १२ वर्षीय बालकको मृत्यु भएको छ । गोर्खाको गण्डकी गाउँपालिका-६ कौदीखोलाका १२ वर्षीय परवचन प्रजाको मृत्यु भएको प्रहरीले बताएको छ ।

काठमाडौंबाट चितवनतर्फ जाँदै गरेको ना ६ ख ३४६४ नम्बरको ट्रकले सडक काट्दै गरेका बालक प्रजालाई अपरान्ह साढे ४ बजे ठक्कर दिएपछि घटनास्थलमै मृत्यु भएको जिल्ला ट्र्राफिक प्रहरी निरीक्षक नेत्र प्रसाद भट्टले बताए ।