चन्द समूहका नेता शर्मा प्रहरी नियन्त्रणमा- वाग्मती - कान्तिपुर समाचार

चन्द समूहका नेता शर्मा प्रहरी नियन्त्रणमा

रमेशकुमार पौडेल

चितवन — प्रतिबन्धित नेत्र विक्रम चन्द समूहका केन्द्रीय नेता अनिल शर्मा विरहीलाई चितवन प्रहरीले शनिबार साँझ नियन्त्रणमा लिएको छ । शर्मालाई गएको वैशाखमा चितवन प्रहरीले उपचारको क्रममा भरतपुरको एक अस्पतालबाट नियन्त्रणमा लिएको थियो ।

चितवन जिल्ला अदालतले उनलाई जेठ १८ मा साधरण तारेखमा छाडेको थियो । त्यसपछि उनी भरतपुर अस्पतालमै उपचार गराइरहेका थिए ।

चितवन जिल्ला प्रहरी कार्यालयका प्रवक्ता रहेका प्रहरी नायब उपरीक्षक सूर्य थापाले धनुषा प्रहरीलाई बुझाउन शर्मालाई नियन्त्रणमा लिएको बताए ।

‘उहाँ विरुद्ध धनुषा प्रहरीमा पनि उजुरी रहेछ । धनुषा प्रहरीको आदेश अनुसार उतै पठाउनका लागि चितवन प्रहरीले उहाँलाई नियन्त्रणमा लिएको ह,’ डीएसपी थापाले भने ।

यसअघि लडेर ढाडमा चोट लागेका कारण उपचार गराउन आएका बेला बैशाख २३ मा चितवन प्रहरीले शर्मालाई गिरफ्तार गरेर राज्य विरुद्धको कसुरमा मुद्दा दायर गरेको थियो ।

प्रकाशित : भाद्र २०, २०७७ १९:३३
प्रतिक्रिया
पठाउनुहोस्

दाङमा थपिए ३७ संक्रमित

दुर्गालाल केसी

दाङ — जिल्लामा शनिबार ३७ जनामा कोरोना संक्रमण पुष्टि भएको छ । राप्ती स्वास्थ्य विज्ञान प्रतिष्ठान घोराहीमा शनिबार ४ सय ४ जनाको पीसीआर परीक्षण गर्दा १९ पुरुष र १८ महिलामा संक्रमण पुष्टि भएको हो ।

दाङको घोराहीस्थित राप्ती स्वास्थ्य विज्ञान प्रतिष्ठान । तस्बिर : दुर्गालाल केसी/कान्तिपुर ।

तुलसीपुर उपमहानगरपालिका क्षेत्रबाट संकलन गरिएका १ सय ४३ जनाको स्वाब परीक्षण गर्दा १९ र घोराहीका १ सय ९८ जनाको स्वाब परीक्षण गर्दा १८ जनामा कोरोना संक्रमण पुष्टि भएको प्रतिष्ठानले जनाएको छ । तुलसीपुरमा संक्रमित हुनेमा ९ पुरुष र १० जना महिला छन् ।

यसैगरी घोराहीमा १० पुरुष र ८ महिलामा संक्रमण देखिएको छ । जिल्लामा शनिबार साँझसम्म संक्रमितको संख्या ८ सय ३८ पुगेको जिल्ला स्वास्थ्य कार्यालयले जनाएको छ ।

प्रकाशित : भाद्र २०, २०७७ १९:१५
पूरा पढ्नुहोस्
प्रतिक्रिया
पठाउनुहोस्
×