हेटौंडा औद्योगिक क्षेत्रमा दुई ट्रक जले

ट्रकमा यान्त्रिक गडबडी भई आगलागी भएको अनुमान प्रहरीले गरेको छ । ‘घटनाको विषयमा अनुसन्धान भइरहेको छ । प्रारम्भिक अनुसन्धान अनुसार यान्त्रिक गडबडीबाट आगलागी भएको देखिन्छ’, जिल्ला प्रहरी कार्यालय मकवानपुरका प्रहरी नायब उपरीक्षक इन्द्रबहादुर रानाले भने ।

हेटौंडा उपमहानगरपालिकाको दमकल, सशस्त्र प्रहरी, औद्योगिक कार्यालयका कर्मचारीको प्रयासमा आगो निभाइएको उनले जानकारी दिए । आगलागीबाट दुवै ट्रक क्षतिग्रस्त भएको प्रहरीको भनाइ छ ।