मकवानपुरमा एकैदिन ५२ जनामा कोरोना संक्रमण- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

मकवानपुरमा एकैदिन ५२ जनामा कोरोना संक्रमण

सुवास विडारी

मकवानपुर — मकवानपुरमा बिहीबार साँझ थप १५ जनामा कोरोना भाइरस संक्रमण पुष्टि भएको छ । बिहान मात्र ३७ जनालाई कोरोना पुष्टि भएको थियो ।

मकवानपुरमा एकैदिन हालसम्मकै सबैभन्दा बढी ५२ जनालाई कोरोना संक्रमण भएको पुष्टि भएको हो ।

हेटौंडा–१० किटजन्य रोग अनुसन्धान तथा तालिम केन्द्रमा रहेको प्रादेशिक प्रयोगशालामा गरिएको परीक्षणबाट साँझ आएको रिपोर्ट अनुसार मकवानपुरका थप १५ जनामा कोरोना भाइरस संक्रमण पाइएको हो । हेटौंडा–४ स्थित कर्राको श्रमिक माविमा रहेको आइसोलेसन वार्ड इञ्चार्ज भोला चौलागाईंका अनुसार अहिले फेला परेका संक्रमित मध्ये १३ जना हेटौंडा उपमहानगरपालिका र दुईजना मकवानपुरगढी गाउँपालिकाको रहेका छन् ।

बिहीबार बिहान हेटौंडा– ९ का ७ जना, हेटौंडा–५ का ४ जना, हेटौंडा–४ का ४ जना, हेटौंडा– २ का १ जना, हेटौंडा– १० का १ जना, हेटौंडा– १३ का १ गरी हेटौंडा उपमहानगरपालिका भित्र १८ जनामा कोरोना पुष्टि भएको थियो ।

त्यस्तै, भीमफेदी गाउँपालिकाका ३ जना, थाहा नगरका २ जना, बकैया गाउँपालिकाका २ जना, चितवन घर भएका १ जना, काठमाडौं घर भएका १ र नेपाल प्रहरी १० जनामा कोरोना पुष्टी भएको थियो ।

प्रकाशित : श्रावण २९, २०७७ १९:२५
प्रतिक्रिया
पठाउनुहोस्

मोदीसँगै राम मन्दिरको भूमि पूजामा सहभागी महन्तलाई कोरोना संक्रमण

सुरेशराज न्यौपाने

नयाँदिल्ली — गत ५ अगष्टमा भारतीय प्रधानमन्त्री नरेन्द्र मोदीसँगै अयोध्याको राम मन्दिरको भूमि पूजामा सहभागी भएका महन्त नृत्य गोपाल दासलाई कोरोना संक्रमण देखिएको छ ।

उत्तरप्रदेशको मुख्यमन्त्री कार्यालयले ट्‍वीट मार्फत् राम जन्मभूमि तीर्थ क्षेत्र ट्रष्टका प्रमुख दासलाई कोरोना संक्रमण भएको जनाएको हो । भूमि पूजामा उत्तरप्रदेशका मुख्यमन्त्री योगी आदित्यनाथ र उत्तरप्रदेशका राज्यपाल आनन्दीवेन पटेल पनिसँगै सहभागी थिइन् ।

कृष्ण जन्मभूमि न्यासका अध्यक्ष समेत रहेका दासलाई कृष्णाजन्मष्टमीको उत्सवमा सहभागी हुन मथुरा पुगेका बेला सास फेर्न असहज भएपछि परीक्षण गर्दा कोरोना भाइरसको संक्रमण पुष्टि भएको भारतीय सञ्चारमाध्यमहरुले जनाएका छन् ।

कोरोना पुष्टि भएपछि दासलाई उपचारका लागि लखनउको मेदान्त अस्पतालमा भर्ना गरिएको छ । भूमि पुजनमा महन्त दाससँगै उपस्थित रहेका मोदी, योगी, पटेल क्वरेन्टिनमा बसेको/नबसेको खुलेको छैन ।

प्रकाशित : श्रावण २९, २०७७ १८:४८
पूरा पढ्नुहोस्
प्रतिक्रिया
पठाउनुहोस्
×