पुलबाट नारायणीमा हाम फालेकी महिलाको १२ घण्टापछि उद्धार
चितवन — नारायणगढको नारायणी नदी पुलबाट हाम फालेकी एकजना महिलाको प्रहरीले १२ घण्टापछि उद्धार गरेको छ ।
ती महिला सोमबार साँझ सवा ६ बजे पुलबाट नदीमा हाम फालेको जिल्ला प्रहरी कार्यालय चितवनका प्रवक्ता डीएसपी सूर्य थापाले बताए ।
मंगलबार बिहान भरतपुर महानगरपालिका–४ रामघाट नजिक नारायणी नदीको टापुबाट महिलालाई उद्धार गरिएको डीएसपी थापाले बताए ।
‘बिहान साढे ६ बजेतिर हामीलाई टापुमा महिलाले चिच्याइ चिच्याई गुहार मागेको जानकारी प्राप्त भयो । हामीले तत्कालै रबर बोट लिएर गयौं र उद्धार गर्यौं,’ डीएसपी थापाले भने ।
नवलपरासी पूर्वको गैंडाकोट बस्ने २२ वर्षीया ती युवतीलाई परामर्शपछि अभिभावकको जिम्मा लगाइएको थापाले बताए ।
प्रकाशित : श्रावण २०, २०७७ १७:१२प्रतिक्रिया