पुलबाट नारायणीमा हाम फालेकी महिलाको १२ घण्टापछि उद्धार- वाग्मती - कान्तिपुर समाचार

पुलबाट नारायणीमा हाम फालेकी महिलाको १२ घण्टापछि उद्धार

रमेशकुमार पौडेल

चितवन — नारायणगढको नारायणी नदी पुलबाट हाम फालेकी एकजना महिलाको प्रहरीले १२ घण्टापछि उद्धार गरेको छ ।

ती महिला सोमबार साँझ सवा ६ बजे पुलबाट नदीमा हाम फालेको जिल्ला प्रहरी कार्यालय चितवनका प्रवक्ता डीएसपी सूर्य थापाले बताए ।

मंगलबार बिहान भरतपुर महानगरपालिका–४ रामघाट नजिक नारायणी नदीको टापुबाट महिलालाई उद्धार गरिएको डीएसपी थापाले बताए ।

‘बिहान साढे ६ बजेतिर हामीलाई टापुमा महिलाले चिच्याइ चिच्याई गुहार मागेको जानकारी प्राप्त भयो । हामीले तत्कालै रबर बोट लिएर गयौं र उद्धार गर्‍यौं,’ डीएसपी थापाले भने ।

नवलपरासी पूर्वको गैंडाकोट बस्ने २२ वर्षीया ती युवतीलाई परामर्शपछि अभिभावकको जिम्मा लगाइएको थापाले बताए ।

प्रकाशित : श्रावण २०, २०७७ १७:१२
प्रतिक्रिया
पठाउनुहोस्

सामसङले ल्यायो क्यासब्याक अफर

कान्तिपुर संवाददाता

काठमाडौँ — सामसङले आफ्नो उत्पादन ग्यालेक्सी ‘एस २० प्लस’ र ‘एस २०’ मा क्यासब्याकको अफर ल्याएको छ ।

अफरअन्तर्गत ग्राहकले ग्यालेक्सी ‘एस २० प्लस’ र ‘एस २०’ खरिदमा तत्काल क्यासब्याक प्राप्त गर्नेछन् । योजनाअनुसार एस २० प्लसमा २२ हजार रुपैयाँ र एस २० मा १९ हजार रुपैयाँ क्यासब्याक प्राप्त गर्ने कम्पनीले जनाएको छ । यो अफरअन्तर्गत ग्राहकले अब १ लाख ४ हजार ९ सय ९९ रुपैयाँमा एस २० प्लस र ९४ हजार रुपैयाँमा एस २० खरिद गर्न सक्छन् ।

यसअघि ग्यालेक्सी एस २० प्लसको मूल्य १ लाख २६ हजार ९ सय ९९ रुपैयाँ र ग्यालेक्सी एस २० को मूल्य १ लाख १३ हजार ९ सय ९९ रुपैयाँ थियो । यो योजना अगस्ट १ देखि सीमित अवधिका लागि लागू रहने कम्पनीले जनाएको छ ।

प्रकाशित : श्रावण २०, २०७७ १७:१२
पूरा पढ्नुहोस्
प्रतिक्रिया
पठाउनुहोस्
×