५ सय रुपैयाँ लुट्न हत्या

नगेन्द्र अधिकारी

काभ्रे — पाँच सय रुपैयाँ लुटेर एक जनाको हत्या गरेको आरोपमा दुई युवक पक्राउ परेका छन् । धुलिखेल–११ पातलेखेत आरुबोटका ५४ वर्षीय कामीसिं तामाङलाई पाँचखाल–१० बेलामा लगेर हत्या गरिएको हो ।

हत्या आरोपित धुलिखेल–११ का २१ वर्षीय सञ्जीव मैनाली र २३ वर्षीय रूपेन्द्रमान लामालाई प्रहरीले घटनाको १२ घन्टाभित्रै पक्राउ गरेको छ । मादक पदार्थ सेवा गरेका दुई अभियुक्तले गफ गर्दै अलि परसम्म लगेर पाँच सय रुपैयाँ लुटेपछि ढुंगाले हिर्काएर मारेको खुल्न आएको एसपी रविकुमार पौडेलले बताए । गत बिहीबार बिहान तामाङको हत्या गरेपछि घरमै रहेका लामा र ललितपुर पुगेर बसेका मैनालीलाई डीएसपी कुमारविक्रम थापाको टोलीले पक्राउ गरेको हो ।

प्रकाशित : श्रावण १६, २०७७ २०:३८
प्रतिक्रिया
पठाउनुहोस्

चन्दका १० जना कार्यकर्ता बुटवलबाट पक्राउ 

अमृता अनमोल

काठमाडौँ — रुपन्देही प्रहरीले नेत्रविक्रम चन्द समूह १० जना कार्यकर्तालाई बुटवलबाट पक्राउ गरेको छ ।

सरकारद्वारा प्रतिबन्धित गतिविधिमा संलग्न रहेको भन्दै उक्त पार्टीका रुपन्देही इन्चार्ज संगम पुनसहितका व्यक्तिलाई पक्राउ गरेको हो । पक्राउ पर्नेमा विश्वास भट्टराई, नविल थारु, माधव न्यौपाने, अजमोहमद मियाा लगायत छन् । बुटवल–१९ मोतिपुरबाट पक्राउ गरिएका सबैलाई इलाका प्रहरी कार्यालय बुटवलमा राखिएको प्रहरी नायब उपरीक्षक प्रतितसिंह राठौरले बताए ।

नेकपाले भने प्रहरीले बिना कारण आफ्ना नेता कार्यकर्ताहरुलाई नियन्त्रणमा लिएको जनाएको छ ।

प्रकाशित : श्रावण १६, २०७७ २०:२७
पूरा पढ्नुहोस्
प्रतिक्रिया
पठाउनुहोस्
×