कान्तिपुर वेबसाईट
AdvertisementAdvertisement

घूससहित नियन्त्रणमा लिइएका चार प्रहरी निलम्बित

सुवास विडारी

मकवानपुर — वाग्मती प्रदेश प्रहरी कार्यालयले चार जना प्रहरीलाई निलम्बन गरेको छ । सेवाग्राहीसँग रकम लिँदै गरेको अवस्थामा सोमबार नियन्त्रणमा लिइएको चार प्रहरीलाई बुधबार निलम्बन गरिएको वाग्मती प्रदेश प्रहरी कार्यालय हेटौंडाका प्रवक्ता प्रहरी वरिष्ठ उपरीक्षक सुदीप गिरीले जानकारी  दिए ।

निलम्बनमा पर्नेहरुमा हवल्दार प्रकाश जैसी, जवानहरु योगेन्द्रकुमार मल्ल, अजय महत्तो र लक्ष्मणकुमार महत्तो छन् । उनीहरुलाई थप छानबिनका लागि निलम्बन गरिएको प्रवक्ता गिरीले बताए । ती प्रहरीहरुले सवारी चालकसँग विभिन्न बहानामा रकम लिएको आरोप छ ।

निलम्बित प्रहरी कर्मचारीहरुको सम्बन्धमा थप छानविन गर्न प्रदेश प्रहरी कार्यालय हेटौंडाले प्रहरी नायव उपरीक्षक विज्ञान बस्नेतको संयोजकत्वमा तीन सदस्यीय छानविन टोली समेत गठन गरेको छ ।

सम्बन्धित समाचार

प्रकाशित : श्रावण १४, २०७७ १९:०६
प्रतिक्रिया
पठाउनुहोस्

देउवाले गरे 'ज्येष्ठ राजनीतिज्ञ सभा'मा ४७९ जनालाई मनोनित

कान्तिपुर संवाददाता

काठमाडौँ — बरिष्ठ नेता रामचन्द्र पौडेल समूह पार्टीका विभागहरुमा भएका मनोनयनहरु विधानविपरित भएको भन्दै पार्टी केन्द्रीय कार्यालयमा बैठक गरिरहेका बेला सभापति शेरबहादुर देउवाले फेरि अर्को मनोनयन गरेका छन् । त्यो पनि एकैपटक ४७९ जनालाई । 

ज्येष्ठ राजनीतिज्ञ सभामा सभापति देउवाले नेपाली कांग्रेसको नियमावली २०७६ को नियम ५० बमोजिम सदस्य मनोनित गरेको केन्द्रीय कार्यालयका सचिवले जारी गरेको प्रेस विज्ञप्तिमा जनाइएको छ ।

यो सभामा मनोनित हुनेमा दुई पूर्व सभामुख दमननाथ ढुंगाना र तारानाथ रानाभाट पनि छन् । देउवाइतर समूहले विधानले ६ महिनामा गठन गर्नुपर्ने भनी तोकेका विभाग र समितिहरुमा देउवाले महाधिवेशनको कार्यतालिका सार्वजनिक भइसकेपछि मनोनयन गरेर महाधिवेशनलाई प्रभावित बनाउन खोजेको आरोप लगाएको छ ।

बुधबार बसेको बरिष्ठ नेता पौडेल र महामन्त्री सशांक कोइरालासहितको बैठकले सभापतिले विधान विपरित गरेका नियुक्ति र मनोनयनलगायतको विरोध उनलाई भेटेरै गर्ने निर्णय गरेको थियो ।

प्रकाशित : श्रावण १४, २०७७ १९:०५
पूरा पढ्नुहोस्
प्रतिक्रिया
पठाउनुहोस्
×