रामेछापमा चितुवाको आक्रमणबाट ३ घाइते

जंगलमा दाउरा खोज्‍न गएकी स्थानीय ३० वर्षीया अनिता रायलाई चितुवाले आक्रमण गरी घाइते बनाएपछि घटनास्थल पुगेका अन्य २ जनालाई पनि चितुवाले आक्रमण गरेको थियो ।

चितुवा हेर्न जाँदा घाइते हुनेमा स्थानीय ३६ वर्षीय बद्री सुवेदी र ५० वर्षीय कृष्ण सुवेदी रहेका छन् ।

प्राथमिक स्वास्थ्य केन्द्र मन्थलीमा उपचारका लागि घाइतेहरुलाई ल्याइएको छ । उनीहरुको शरीरका विभिन्‍न भागमा चितुवाको आक्रमणबाट घाउचोट लागेको छ । घाइतेहरुको स्वास्थ्य अवस्था सामान्य रहेको छ ।