१८.१२°C काठमाडौं
धादिङका १६ प्रहरी इकाई नयाँ भवनमा
धादिङ — ०७२ सालको भूकम्पले क्षतिग्रस्त जिल्लाका प्रहरी इकाईहरु पुनर्निर्माण र हस्तातरण हुने क्रम जारी छ । बेनीघाट गाउँपालिकाको विशालटारस्थित प्रहरी चौकी भवनको अतिरिक्त प्रहरी महानिरिक्षक तारिणीप्रसाद लम्सालले हस्तातरण गरेका छन् ।
राष्ट्रिय पुनर्निर्माण प्रााधिकरणको लगानीमा २ करोड ५४ लाख ३५ हजार ४ सय साठी रुपैयाँमा निर्मित उक्त भवन हस्तान्तरण भएपछि भूकम्पपछि आफ्नै नयाँ भवनमा सर्ने प्रहरी इकाईको संख्या १६ पुगेको छ ।
जिल्ला प्रहरीसहितका २७ इकाईहरुमध्ये भूकम्पपछि १६ वटा भवनको पुनर्निर्माण भएको जिल्ला प्रहरीले जनाएको छ । प्रहरीका ४ भवनहरु निर्माणकै चरणमा रहेका ५ वटा प्रहरी इकाई भाडामा रहेको जिल्ला प्रहरी प्रमुख रविन्द्र रेग्मीले बताए ।
प्रतिक्रिया
