धादिङका १६ प्रहरी इकाई नयाँ भवनमा- वाग्मती - कान्तिपुर समाचार
कान्तिपुर वेबसाईट
AdvertisementAdvertisement

धादिङका १६ प्रहरी इकाई नयाँ भवनमा

कान्तिपुर संवाददाता

धादिङ — ०७२ सालको भूकम्पले क्षतिग्रस्त जिल्लाका प्रहरी इकाईहरु पुनर्निर्माण र हस्तातरण हुने क्रम जारी छ  । बेनीघाट गाउँपालिकाको विशालटारस्थित प्रहरी चौकी भवनको अतिरिक्त प्रहरी महानिरिक्षक तारिणीप्रसाद लम्सालले हस्तातरण गरेका छन् ।

धादिङको बेनीघाटस्थित नवनिर्मित भवनको हस्तान्तरण कार्यक्रम । तस्बिर : हरिहरसिंह राठौर/कान्तिपुर 


राष्ट्रिय पुनर्निर्माण प्रााधिकरणको लगानीमा २ करोड ५४ लाख ३५ हजार ४ सय साठी रुपैयाँमा निर्मित उक्त भवन हस्तान्तरण भएपछि भूकम्पपछि आफ्नै नयाँ भवनमा सर्ने प्रहरी इकाईको संख्या १६ पुगेको छ ।

जिल्ला प्रहरीसहितका २७ इकाईहरुमध्ये भूकम्पपछि १६ वटा भवनको पुनर्निर्माण भएको जिल्ला प्रहरीले जनाएको छ । प्रहरीका ४ भवनहरु निर्माणकै चरणमा रहेका ५ वटा प्रहरी इकाई भाडामा रहेको जिल्ला प्रहरी प्रमुख रविन्द्र रेग्मीले बताए ।



प्रकाशित : असार २३, २०७७ १२:५०
प्रतिक्रिया
पठाउनुहोस्

आइसोलेसनबाट घर पठाइएका युवकद्वारा आत्महत्या

माधव अर्याल

पाल्पा — कोरोनामुक्त भएर घर फर्किएका रम्भा गाउँपालिका–४, हुमिनका २० वर्षीय युवकले सोमबार राति आत्महत्या गरेका छन् । लुम्बिनी मेडिकल कलेजको आइसोलेसन कक्षमा १५ दिन बसेर फर्केकै दिन उनले आफ्नै घरमा आत्महत्या गरेको वडाध्यक्ष भोजबहादुर विकले बताए ।

२८ दिनसम्म गाउँकै क्वारेन्टाइनमा बसेर कोरोना पोजिटिभ देखिएपछि लुम्बिनी मेडिकल कलेजमा राखिएको थियो । उनी एक महिनाअघि भारतको मुम्बईबाट घर फर्केका थिए । २८ दिनसम्म विद्यालयको क्वारेन्टाइनमा १५ दिन अस्पतालको आइसोलेसनमा बसेका थिए ।

रम्भा गाउँपालिका अध्यक्ष विष्णुप्रसाद भण्डारीका अनुसार स्वास्थ्य तथा जनसंख्या मन्त्रालयको पछिल्लो गाइडलाइनअनुसार आइसोलेसनमा बसेको १५औं दिनमा उनलाई घर पठाइएको थियो ।

प्रकाशित : असार २३, २०७७ १२:४१
पूरा पढ्नुहोस्
प्रतिक्रिया
पठाउनुहोस्
×