कान्तिपुर वेबसाईट
AdvertisementAdvertisement

गाँजासहित तेल ट्यांकर र दुई जना पक्राउ

सुवास विडारी

मकवानपुर — मकवानपुर प्रहरीले हेटौंडामा शनिबार दिउँसो तेल बोक्ने ट्यांङ्करबाट १ सय २८ किलो गाँजासहित दुई जनालाई पक्राउ गरेको छ । इलाका प्रहरी कार्यालय पशुपतिनगरबाट टोलीले पूर्वपश्चिम राजमार्गअन्तर्गत हेटौंडा–१५, रोतोमाटेमा हेटौंडाबाट वीरगन्जतर्फ जाँदै गरेको ना.६ ख ६९७४ नम्बरको तेल ट्याङ्करलाई चेक गर्दा १ सय २८ किलो गाँजासहित २ जनालाई पक्राउ गरेको हो ।

गाँजाहित पक्राउ पर्नेमा ट्याङ्कर चालक जितपुर सिमरा–२३ का २७ वर्षीय एमामुल हक देवान र ट्याङ्करमा सवार सोही २४ वर्षीय मोहरवान अन्सारी रहेको जिल्ला प्रहरी कार्यालय मकवानपुरका प्रहरी प्रवक्ता डिएसपी इन्द्रबहादुर रानाले जानकारी दिए । पक्राउ परेकाहरुको आवश्यक अनुसन्धान भइरहेको प्रहरीले जनाएको छ ।

लकडाउन अवधिमा मकवानपुर प्रहरीले जिल्लाको विभिन्न स्थानबाट लागूऔषध बोकेको ३ वटा तेल ट्याङ्करलाई नियन्त्रणमा लिइएको मकवानपुर प्रहरी प्रमुख एसपी सुशीलसिंह राठौरले बताएका छन् ।

प्रकाशित : असार २०, २०७७ २०:१७
प्रतिक्रिया
पठाउनुहोस्

कान्ति बाल अस्पतालमा उपचाररत १३ महिने बालिकामा देखियो कोरोना

कान्तिपुर संवाददाता

काठमाडौँ — कान्ति बाल अस्पतालमा उपचाररत एक बालिकामा कोरोना संक्रमण देखिएको छ । अस्पतालका निर्देशक डा.कृष्ण पौडेलले १३ महिने बालिकामा शुक्रबार कोरोना संक्रमण पुष्टि भएको जानकारी कान्तिपुरलाई दिए ।

उनका अनुसार ती बालिका उदयपुर जिल्लाका हुन् । उनलाई असार १४ गते अस्पताल भर्ना गरिएको थियो । बालिकामा रक्तअल्पता र ज्वरोको समस्या थियो ।

डा. पौडेलेका अनुसार कान्तिमा कोरोना पुष्टि भएको पहिलो पल्ट हो । कोरोना पुष्टिपश्चात बालिकालाई शुक्रबार नै बलम्बुस्थित कोभिसशस्त्र प्रहरी अस्पतालमा सारिएको छ ।

शिशुको उपचारमा संलग्न १६ स्वास्थ्यकर्मी र ५ जना बालबालिकाहरुको स्वाब संकलन गरी पीसीआर परीक्षणका लागि पठाइएको डा पौडेलले जानकारी दिए । हालसम्म कान्ति अस्पतालमा १९६ जनाको पीसीआर परीक्षणको लागि नमुना संकलन गरिएको छ ।

प्रकाशित : असार २०, २०७७ २०:०८
पूरा पढ्नुहोस्
प्रतिक्रिया
पठाउनुहोस्
×