युवतीमाथि बलात्कार भएको भन्दै परिवार प्रहरीमा

परिवारले पाँचौं दिन जिल्ला प्रहरी कार्यालय मकवानपुरमा जाहेरी दर्ता गराएपछि घटना बाहिरिएको हो । आरोपित युवक फरार रहेको प्रहरी नायब उपरीक्षक इन्द्रबहादुर रानाले जानकारी दिए ।

उनका अनुसार अविवाहित युवतीलाई ती युवकले दिउँसो २ बजेको समयमा पैसाको प्रलोभन देखाएर बलात्कार गरेको जाहेरीमा उल्लेख छ । ‘पीडित पक्षले किटानी जाहेरी दिएको छ । सोही आधारमा फरार रहेका आरोपीलाई खोजिरहेका छौं,’ उनले भने । रानाले घटनाबारे प्रहरीलाई ढिला खबर गरिँदा आरोपी भाग्न भ्याएको बताए ।