काभ्रेपलाञ्चोकका ५ जनामा कोरोना संक्रमण
काभ्रेपलाञ्चोक — काभ्रेमा ५ जनामा कोरोना संक्रमण देखिएको छ । काभ्रेपलाञ्चोकको रोशी गाउँपालिकामा ३ जना, पाँचखाल र पनौती नगरपालिकामा एक/एक जनामा संक्रमण देखिएको कोरोना रोकथाम तथा नियन्त्रणसम्बन्धी जिल्ला कमान्ड पोस्टले जानकारी दिएको छ ।
रोशीका तीनै जना संक्रमित क्वारेन्टाइनमा छन् । पाँचखालका संक्रमित भने शुक्रबार क्वारेन्टाइनबाट घर गएका थिए ।
पनौतीका संक्रमित व्यक्ति भने धुलिखेल अस्पतालमा पित्तथैलीमा देखिएको पत्थरीको शल्यक्रियाका लागि भर्ना भएका थिए । शल्यक्रियाअघि पीसीआर परीक्षण गर्दा उनमा संक्रमण देखिएको हो ।
प्रकाशित : जेष्ठ २३, २०७७ १३:१०प्रतिक्रिया