एस्काभेटर दुर्घटनामा एकको मृत्यु

गणेशमान मार्गअन्तर्गत चित्लाङ–थानकोट सडकको सेतो पहरामा बिहीबार एस्काभेटर दुर्घटना हुँदा गम्भीर घाइते भएका थाहा नगरपालिकाका–४ का ३२ वर्षीय पूर्णध्वज केसीको काठमाडौंस्थित राष्ट्रिय ट्रमा सेन्टरमा उपचारको क्रममा मृत्यु भएको हो ।

ना. १ क ७२९३ नम्बरको एस्काभेटर अनियन्त्रित भएर दुर्घटना भएको थियो । मकवानपुरको थाहा नगरपालिकाबाट थानकोटतर्फ जाँदै गर्दा भएको दुर्घटनामा एस्काभेटरमा रहेका अर्का नवलपरासीका २४ वर्षीय अनिल मगर सामान्य घाइते भएका थिए ।