नारायणगढका सटरमा लकडाउन खोल्न नारा

रमेशकुमार पौडेल

चितवन — जिल्लाको मुख्य बजार क्षेत्र नारायणगढका बन्द सटरहरुमा अहिले विभिन्न नाराहरु लेखेर टाँसेको सेतो कागज छ्याप छ्याप्ती देखिन थालेको छ । लामो समयदेखि बन्द भएर धुलाम्य भएका सटरहरुमा लकडाउनको विकल्प खोज्न माग गर्दै सेता कागजहरुमा लेखिएका नाराहरु देखिन थालेका हुन् । यो अभियानमा कुनै व्यवसायिक संघ, संगठन भने संलग्न छैनन् ।

लकडाउन बढ्दै जाँदा मार झेलेका व्यवसायीहरुले यो अभियान सुरु गरेको एकजना व्यपारीले बताए । व्यवसायी सोमप्रसाद काप्री भन्छन्, ‘चैत्रदेखि एकै खालको लकडाउन जारी हुँदा धेरै मर्कामा परेका छन् । व्यपारीहरुले आफ्नो पिडा सेतो कागजमा लेखेर र सटरमा टाँसेर व्यक्त गरेका हुन् सक्छन् । सम्बन्धित क्षेत्रबाट यसको सुनुवाइ भए राम्रो हुन्थ्यो ।’

नारायणगढ बजारको मुख्य क्षेत्र सहिद चोक

‘लकडाउनको पालना गर्दै सुरक्षित व्यवसाय गर्न पाउनु पर्छ’, ‘मानव स्वास्थ्यको ख्याल गर्दै व्यपार पनि सुरु गरौं’, ‘लकडाउनको विकल्प तुरुन्त खोजौं, संयमित र गतिशिल उपाए खोजौं’ जस्ता सन्देश लेखिएका कागजहरु सटरहरुमा टाँसिएका छन् । नारायणगढ बजारको मुख्य क्षेत्र सहिद चोकका साथै भित्रि गल्लीका सटरहरुमा पनि यस्ता पर्चाहरु छ्यापछ्याप्ती टाँगिएको छ ।

प्रकाशित : जेष्ठ २०, २०७७ १२:३३
प्रतिक्रिया
पठाउनुहोस्

डाक्टर केसी दुई दिने सत्याग्रहमा

मनोज बडू

दार्चुला — चिकित्सा शिक्षा सुधारका अभियन्ता डाक्टर गोविन्द केसीले दार्चुलामा मंगलबारदेखि सत्याग्रह सुरु गरेका छन् । मंगलबारबाट डा. केसीले सीमाञ्चललगायतका सबै नागरिकहरुको समृद्धि, नेपालको सार्वभौमसत्ताको रक्षा तथा गुणस्तरीय शिक्षा र स्वास्थ्यमा सबैको पहुँचका लागि भन्दै १८औं सत्याग्रह सुरु गरेका हुन् ।

केसीले बिहान १० बजे पत्रकार सम्मेलन गर्दै गल्फैस्थित जगन्नाथ मन्दिर क्षेत्रमा दुई दिनका लागि सत्याग्रहमा बसेका हुन् । जेठ १ गते दार्चुला आइपुगेका डा. केसीले राष्ट्रियता सिंहदरबारबाट बुझ्ने नसकिने भन्दै भारतद्वारा अतिक्रमित नेपाली भूमि फिता गर्न सरकारले तत्काल प्रक्रिया अगाडि बढाउनुपर्ने र सीमाञ्चल क्षेत्रका नागरिकको पीडा बुझ्नुपर्ने भन्दै सत्याग्रह सुरु गरेका छन् ।

ब्यास गाउँपालिका–१, ब्यास क्षेत्रमा भारतले अतिक्रमण गरी राखेको फौज हटाउनुपर्ने र ब्यास क्षेत्रमा नेपालले आफ्नो सेना राख्नुपर्ने डा. केसीले बताए । दार्चुलालगायत सीमा क्षेत्रका बासिन्दाका लागि यातायातको सहज पहुँच निर्माण गर्नुका साथै गुणस्तरीय स्वास्थ्य, शिक्षा र रोजगारीको व्यवस्था गर्नुपर्ने, भारतबाट मिचिएको नेपाली भ्रमि फिर्ता गर्ने प्रक्रिया तत्काल सुरु गर्नुपर्ने मुख्य उनको सत्याग्रहका मागहरु रहेका छन् ।

त्यस्तै गण्डकी प्रदेशलगायत डडेलधुरा, बर्दिबास, उदयपुर, इलामलगायतका ठाउँमा सरकारी मेडिकल कलेज खोल्ने प्रक्रिया द्रुत गतिमा अघि बढाउनुपर्ने, गेटा मेडिकल कलेजलाई शीघ्र सञ्चालनमा ल्याउन तथा कर्णाली र राप्ती स्वास्थ्य विज्ञान प्रतिष्ठानमा शीघ्र एमबीबीएस कार्यक्रम सञ्चालनको व्यवस्था गर्नुपर्ने र यस अगाडि भएका सबै सम्झौता कार्यान्वयन गर्नुपर्ने सत्याग्रहका मागहरु रहेको बताएका छन् ।

प्रकाशित : जेष्ठ २०, २०७७ १२:१९
पूरा पढ्नुहोस्
प्रतिक्रिया
पठाउनुहोस्
×