सिन्धुली — चट्याङ लाग्दा घरको छत ढलानकाे काममा रहेका एक कामदारको बुधबार मृत्यु भएको छ । कमलामाई नगरपालिका– ४ सातपत्रेका ४२ वर्षीय वासु सापकोटाको चट्याङ लागेर मृत्यु भएको प्रहरीले जनाएको छ ।
डीएसपी श्यामबहादुर केसीका अनुसार कमलामाइ नगरपालिका–६ को रातमाटामा घरको छत ढलानको काम गर्दैगर्दा चट्याङ लागेर छतबाट खसेका घाइते सापकोटाको सिन्धुली अस्पताल लैजाँदै गर्दा बाटोमै मृत्यु भएको हो ।