डाक्टरले एम्बुलेन्स सिक्ने क्रममा दुर्घटना, एक जना सख्त घाइते

सिन्धुपाल्चोक — मेलम्ची बजारस्थित मेलम्ची प्राथामिक स्वास्थ्य केन्द्रका डाक्टरले एम्बुलेन्स सिक्ने क्रममा दुर्घटना भएको छ । डा विनोद केसीले सिक्ने चलाएको एम्बुलेन्सले मोटरसाइकललाई ठक्कर दिँदा एक जना सख्त घाइते भएका छन् । स्वास्थ्य केन्द्र नजिक डा केसीले सिक्न चलाएको बा २ झ ७८६ नम्बरको एम्बुलेन्स अनियन्त्रित भएको थियो । 

एम्बुलेन्सको ठक्करबाट बा ८४ प ३९४५ नम्बरको मोटरसाइक चालक पछारिएका थिए । ठक्करबाट घाइतेलाई तत्कालै काभ्रे धुलिखेल अस्पताल लगिएको इलाका प्रहरी मेलम्चीले जनाएको छ । घाइतेको नाम भने खुल्न बाँकी छ ।

प्रकाशित : जेष्ठ ९, २०७७ २०:५५

प्रतिक्रिया

पठाउनुहोस्