अत्यावश्यक सेवावाहेकका गाडीलाई दोलखा प्रवेशमा रोक - वाग्मती - कान्तिपुर समाचार
कान्तिपुर वेबसाईट
AdvertisementAdvertisement

अत्यावश्यक सेवावाहेकका गाडीलाई दोलखा प्रवेशमा रोक 

राजेन्द्र मानन्धर

दोलखा — जेठ १ गतेदेखि लागू हुनेगरी अनिश्चितकालका लागि अत्यावश्यक सेवावाहेक अन्य सवारीसाधनलाई दोलखा प्रवेशमा रोक लगाइएको छ । कुनै पनि बाहनामा सवारीसाधन आएमा दोलखाका दुई नाका किर्नेटार र खरिङ्गाबाट फर्काइने छ । 

जिल्ला प्रशासन कार्यालयले जारी गरेको सूचनामा जिल्ला प्रवेश गर्ने मुख्य नाकाहरुमा सुरक्षा व्यवस्था कडा पारिने उल्लेख छ । सूचनामा भनिएको छ, ‘अत्यावश्यक सेवावाहेक सबै सावारीसाधनलाई जिल्ला प्रवेशमा रोक लगाइएको छ ।’

कोभिड—१९ को खतरापछि लकडाउनलाई प्रभावकारी बनाउन जारी सूचनाअनुसार जेठ १ गतेदेखि जिल्लाभित्रका औषधि पसलबाहेक अन्य सबै व्यवसाय बन्द गर्नुपर्ने छ । सामान्य चिया पसलहरु पनि नखोल्न अनुरोध गर्दै औषधिबाहेक सबैखाले व्यवसायहरु बिहान १० बजेबाट पूर्ण रुपमा बन्द गर्ने उल्लेख छ ।

बैंकिङ र सहकारीहरुले सीमित सेवामात्रै दिनेगरी व्यवस्था मिलाउन भनिएको छ । सूचनाअनुसार स्थानीय प्रशासनले लकडाउनलाई कडा पर्नेगरी प्रस्तुत हुने संकेत गरिएको छ । प्रमुख जिल्ला अधिकारी भीमकान्त शर्माले कोभिड—१९ को खतरा बढ्दै गएकाले जिल्लालाई सुरक्षित बनाउन थप कडा कदम चालिने जानकारी दिए ।

प्रकाशित : वैशाख ३१, २०७७ २३:३७
प्रतिक्रिया
पठाउनुहोस्

२३ जना क्‍वारेन्टाइनबाट घर फर्किए 

टेस्ट गरिएका २५६ जनाको रिपोर्ट नेगेटिभ
राजेन्द्र मानन्धर

दोलखा — जिल्लामा अहिलेसम्म कोरोना भाइरस (कोभिड–१९) को संक्रमण भए नभएको र्‍यापिड टेस्ट गरिएका २ सय ५६ जनाको रिपोर्ट नेगेटिभ आएको छ । वैशाख ३ देखि ७ गतेसम्म २ सय १७ जना पुरुष र ३९ जना महिलाको र्‍यापिड टेस्ट गरिएकोमा सबैको रिपोर्ट नेगेटिभ आएको जिल्ला जनस्वास्थ्य कार्यालयले विज्ञप्तिमार्फत जानकारी दिएको छ । 

विदेशबाट फर्किएका, काठमाडौंबाट आएका र जेलबाट छुटेकाहरुलाई र्‍यापिड टेस्ट गरिएको स्वास्थ्य कार्यालयले जनाएको छ । कार्यालयका अनुसार हालसम्म कालिञ्चोक गाउँपालिकामा १ सय ९ जना, तामाकोसीमा ४१ जना, गौरीशंकरमा १९ जना, मेलुङमा ११ जना, शैलुङमा २४ जना, जिरी नगरपालिकामा १९ जना र भीमेश्वर नगरपालिकामा ३३ जनाको टेस्ट गरिएको छ ।

त्यसैगरी आइतबार कालिञ्चोक गाउँपालिकामा राखिएका २३ जनालाई क्वारेन्टाइनबाट आ—आफ्ना घर पठाइएको छ । विदेशबाट आएका उनीहरुको सवै परीक्षण नेगेटिभ आएपछि घर पठाइएको पालिका अध्यक्ष विनकुमार थामीले बताए ।

प्रकाशित : वैशाख ७, २०७७ १९:५०
पूरा पढ्नुहोस्
प्रतिक्रिया
पठाउनुहोस्
×