तिब्बतबाट थप स्वास्थ्य सामग्री सहयोग
रसुवा — तिब्बतको जिलोङ काउन्टी प्रशासनले रसुवालाई थप स्वास्थ्य सामग्री सहयोग गरेको छ । कोरोना भाइरस नियन्त्रणका लागि जिल्ला विपद् व्यवस्थापन समितिलाई शुक्रबार थप ९ प्रकारका सामग्री उपलब्ध गराएको प्रमुख जिल्ला अधिकारी अर्जुन भण्डारीले बताए ।
सामग्री लिन प्रजिअसहितको टोली रसुवागढी नाका पुगेको थियो । जिलोङ काउन्टी प्रशासनका समकक्षीसहितको टोलीले मितेरी पुलमा १ सय ५ थान पीपीई १ सय ५ थान, प्रोटेक्सन हेल्मेट ३० थान, सेफ्टी बुट ९ थान, पुलिस अलराम मेगाफोन ४८ थान, बडी आर्मोर गियर ३० थान, मेडिकल हर्बल ५ हजार थान, डिसइन्फेक्टेन्ट स्प्रे लिक्विड १५ लिटर, प्रोटेक्सन फेस सिल्ड ५ थान र नाइट ˆयालस लाइट १८ थान उपलब्ध गराएको हो ।
त्यस्तै प्रतिनिधिसभा सदस्य मोहन आचार्यले पनि जिल्ला विपद् व्यवस्थापन समितिलाई थप सहयोग गरेका छन् । उनले ४०–४० थान पीपीई सेट, चस्मा र बुट उपलब्ध गराएका हुन् ।
प्राप्त सहयोग सामग्री अस्पताल, स्वास्थ्य चौकी, हेल्थ डेस्क, क्वारेन्टाइन तथा आइसोलेसनमा प्रयोग गरिने प्रजिअ अधिकारीले बताए ।
प्रकाशित : चैत्र २९, २०७६ १२:१७