लकडाउनमा तास खेल्ने पक्राउ
गोरखा — गोरखा नगरपालिका–९ लक्ष्मिबजारबाट तास खेलिरहेका पाँच जना पक्राउ परेका छन् । उनीहरुबाट १६ हजार ३ सय २० नेपाली र दुई हजार भारतीय रुपैयाँ बरामद गरिएको प्रहरीले जनाएको छ । ‘तास खेल्नु गैरकानुनी मानिन्छ, फेरि अहिले लकडाउनको बेला मान्छे जम्मा नहुनु भनिएको छ,’ एसपी ओम अधिकारीले भने ।
लकडाउनको बेला जमघट गर्ने, तास खेल्ने, भोज लगाउने लगायत गतिविधि पाएपछि प्रहरीले निगरानी बढाएको छ । लकडाउन सुरु भएयता पालुङटार र छेवेटारबाट यसअघि पनि जुवाडेका समूह पक्राउ परेका थिए ।
सरकारले कोरोना भाइरस संक्रमणको न्यूनिकरणका लागि चैत ११ गतेदेखि लडकडाउन जारी राखेको छ ।
प्रतिक्रिया
