मोटरसाइकल दुर्घटनामा पत्नीको मृत्यु, पति घाइते
(मकवानपुर) — पूर्वपश्चिम राजमार्गअन्तर्गत मकवानपुरको मनहरी गाउँपालिका–९ रजैयामा बुधबार दिउँसो मोटरसाइकल दुर्घटना हुँदा १ को मृत्यु भएको छ भने एक जना घाइते भएका छन् । उनीहरु पतिपत्नी हुन् ।
मकवानपुरबाट चितवनतर्फबाट जाँदै गरेको ना. ६३ प ५६९८ नम्बरको मोटरसाइकल दुर्घटना हुँदा मोटरसाइकलमा सवार १ जनाको उपचारको क्रममा मृत्यु भएको थियो हो । मोटरसाइकल चालक घाइते भएको इलाका प्रहरी कार्यालय नेवारपानीका प्रहरी सहायक निरीक्षक राजेशकुमार यादवले जानकारी दिए । मृत्यु हुनेमा मोरङ सुन्दर हरैंचा नगरपालिका–४ बस्ने ३० वर्षीया विनिता घिमिरे रहेको जिल्ला प्रहरी कार्यालय मकवानपुरका सूचना अधिकारी प्रहरी निरीक्षक सुजन पाठकले बताए । उनको उपचारको क्रममा हेटौंडा अस्पतालमा मृत्यु भएको जनाइएको छ ।
त्यसैगरी दुर्घटनामा घाइते हुनेमा मोटरसाइकल चालक सोही स्थानका ३३ वर्षीय लिलामणि घिमिरे रहेको र उनको थप उपचारका लागि हेटौंडा अस्पतालमा भइरहेको छ । तीव्रगतिमा हुइँकिएको मोटरसाइकल अनियन्त्रित भई दुर्घटना भएको प्रहरीले जनाएको छ ।