एम्बुलेन्स दुर्घटनामा एकै परिवारका ६ घाइते
सिन्धुली — बीपी राजमार्गअन्तर्गत सिन्धुलीको कमलामाइ नगरपालिका ७ को बुका नजिक सोमबार दिउँसो भएको एम्बुलेन्स दुर्घटनामा एकै परिवारका ६ जना घाइते भएका छन् ।
काठमाडौंबाट जनकपुरतर्फ जाँदै गरेको ज १ च ७७७ नं एम्बुलेन्स दुर्घटना हुँदा अनिल यादवसहित ६ जना घाइते भएका हुन् । घाइतेको सिन्धुली अस्पतालमा उपचार भइरहेको जिल्ला प्रहरी कार्यालयका डिएसपी श्यामबहादुर केसीले जानकारी दिए ।
काठमाडौंको बयोदा अस्पतालमा परिवारका सदस्यको उपचार गरी उनीहरु घर फर्किँदै थिए । एम्बुलेन्सका चालक फरार रहेका छन् । उनको खोजतलास भइरहेको प्रहरीले जनाएको छ ।
प्रकाशित : चैत्र १७, २०७६ १४:३९