इराकबाट फर्केका बाबुछोरीसहित ३ जना आइसोलेसनमा

कान्तिपुर संवाददाता

सिन्धुपाल्चोक — जिल्लामा इराकबाट फर्केका बाबुछोरीसहित ३ जनालाई आइसोलेसनमा राखिएको छ । कोभिड १९ कोरोना भाइरस संक्रमणको आशंकामा भोटेकोसी गाउँपालिका ४ फुल्पिङकट्टीका बाबुछोरीलाई र छिमेकी एकजनालाई बाह्रबिसे प्राथामिक स्वास्थ्य केन्द्रको आइसोलेसनमा राखिएको हो । 

गएको माघ २९ गते नै इराकबाट फर्केकी ती बाबुछोरी र छिमेकी वृद्ध काठमाडौंमा बस्दैआएका थिए ।


लामो समयदेखि तीनै जनालाई सुक्खा रुघाखोकीको लक्षण देखिएकाले स्वास्थ्य परीक्षणका लागि स्‍वास्थ्य केन्द्रमा आइपुगेको स्वास्थ्यकर्मीले बताएका छन् । प्रकाशित : चैत्र १३, २०७६ २२:०६

ADVERTISEMENT
प्रतिक्रिया
पठाउनुहोस्
ADVERTISEMENT

फिवर क्लिनिक सञ्‍चालन लागि सरकारले प्रति अस्पताल १० लाख दिने

कान्तिपुर संवाददाता

काठमाडौँ — सरकारले मुलुकभरका लागि हब अस्पतालका लागि छुट्टै फिवर क्लिनिक सञ्चालन गर्न प्रति अस्पताल १० लाख रुपैया उपलब्ध गराएको छ ।

ज्वरो आउने, रुघा लाग्ने जस्ता लक्षण देखिएर कोरोनाका शंकामा जाँचका लागि आएका विरामीलाई राख्नका लागि छुट्टै फिवर क्लिनिक सञ्चालन गर्नुपर्ने बाध्यकारी व्यवस्था गर्दे सरकारले त्यसका लागि प्रति अस्पताल १० लाख रुपैयाँ दिएको हो ।

बिहीबार स्वास्थ्य तथा जनसंख्या मन्त्रालयमा आयोजित पत्रकार सम्मेलनमा सचिव यादव कोइरालाले हब अस्पताललाई छुट्टै फिवर क्लिनिक सञ्चालन गर्नुपर्ने व्यवस्था गर्दै ती अस्पताललाई १० लाख उपलब्ध गराइएको जानकारी दिए । साथै त्यस्ता विरामीको जाँचका लागि सरकारले आफ्नै ढंगको पीपीईको मापदण्ड बनाएको र सोही मापदण्ड अपनाउन भनिएको पनि उनले स्पष्ट पारे ।

उनले भने,'साधारण रुघाखोकी लागेको बिरामीको जाँच गर्नका लागि भनेर पिपीई गाइडलाईन बनाएका छौं र पीपीई गाइडलाईन अनुसार उपचारमा संलग्‍न हुन भनिएको छ ।'

त्यसैगरी सरकारले सबै पालिकालाई विदेशबाट आएका व्यक्तिलाई आफ्नो क्षेत्रमा क्वारेन्टाइनमा राख्‍न निर्देशन दिएको छ । साथै क्‍वारेन्टाइनमा बसेका व्यक्तिमा कोरोना भाइरस संक्रमणको लक्षण देखिएमा तत्काल आईसोलेसनमा राख्‍ने तथा आईसोलेसनमा राखिएकाहरुको स्वास्थ्य गम्भीर बन्न थाल्यो भने स्वाव परीक्षण गर्न पठाउन निर्देशन गरेको छ ।

सचिव यादवले क्वारेन्टाईन र आइसोलेसनमा राख्ने तथा त्यसको सम्पुर्ण रिपोर्ट केन्द्र सरकारलाई गराउने सम्बन्धमा स्पष्ट निर्देशिका बनाएर प्रदेश र स्थानीय सरकारलाई पठाइएको बताए । स्थानीय जनप्रतिनिधिलाई दैनिक क्वारेन्टाइनको अनुगमन गरि संक्रमितको, विदेशबाट आएका र आइसोलेसनमा रहेकाको अवस्थाको जानकारी दैनिक रुपमा गृहमन्त्रालयमा भनिएको उनले स्पष्ट पारे ।

उनले भने,'यदि त्यस्तो किसिमको सिमटम देखिदा स्वासप्रश्वासमा असजिलो भएको छ र सिमटमबाट माथिल्लो स्टेजमा पुगेको छ भने तुरुन्तै स्वाब परीक्षणका लागि केन्द्र वा नजिकको परीक्षण केन्द्रमा पठाउन अनुरोध गरेका छौ । '

विदेशबाट आउँदैमा डराइहाल्नुपर्ने अवस्था नभएको भन्दै उनले सेल्फ क्वारेन्टाइनमा बस्न र कोरोना भाइरसको संक्रमण देखिए तत्काल तोकिएको स्वास्थ्य केन्द्रमा सम्पर्क गर्न आग्रह गरे ।उनले अहिले सम्म शंका लागेका ७ सय भन्दा बढी नमुनाको परीक्षण गरिएको र ती मध्ये ३ जनामा मात्रै देखिएको जानकारी दिए ।

प्रकाशित : चैत्र १३, २०७६ २१:००
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
×