रसुवामा ३५ आइसोलेसन वार्ड र २१६ शय्याको क्‍वारेन्टाइन निर्माण

बलराम घिमिरे

रसुवा — जिल्लाको पाँच वटा गाउँपालिकामा ३५ वटा आइसोलेसन र २ सय १६ क्वारेन्टाइन शय्या निर्माणण गरिएको छ । गोसाइकुण्ड गाउँपालिकाको रसुवागढी, धुन्चे र स्याफ्रुबेंसीमा गरी १ सय १५ शय्याको क्वारेन्टाइन तयार पारिएको छ ।

रसुवा अस्पतालमा २० शय्याको आइसोलेसन वार्ड तयार परिएको प्रमुख जिल्ला अधिकारी अर्जुन भण्डारीले बताए । सदरमुकाम धुन्चेमा रहेको कृषि ज्ञान केन्द्र र पशु सेवा केन्द्रमा ५०, रसुवागढीमा ५० र स्याफ्रुको कोमिन स्यामेवाङ्फेल माविमा १५ शय्या गरी १ सय १५ शय्याको क्वारेन्टाइन तयार परिएको छ ।


कालिका गाउँपालिकाको कालिका हिमालय मावि कालिकास्थानमा ५० शय्याको क्वारेन्टाइन र निलकण्ठ नमुना मावि जिबजिबेमा १५ शय्याको आइसोलेसन वार्ड तयार पारिएको कालिका गाउँपालिका अध्यक्ष सिताकुमारी पौडेल अधिकारीले बताइन् । जिबजिबे ग्रामिण अस्पतालमै १७ शय्याको थप बेड तयार पारिएको उनले बताइन् ।


त्यस्तै नौकुण्ड गाउँपालिकाको पारच्याङमा १५ र आमाछोदिङ्मो गाउँपालिकाको थाम्बुचेतमा १५ शय्याको क्वारेन्टाइन तयार पारिएको छ । उत्तरगया गाउँपालिकाको डाँडागाउँमा १५ र प्रतिनिधिसभा सदस्य मोहन आचार्यको घरमा २१ शय्याको क्वारेन्टाइन तयार पारिएको गाउँपालिकाका अध्यक्ष उपेन्द्र लम्सालले बताए ।


कोरोना भाइरस (कोभिड–१९) को रोकथाम र नियन्त्रणका लागि जिल्ला विपद् व्यवस्थापन समितिको आइतबार बसेको बैठकले पाँचवटै गाउँपालिकाका विभिन्न ८ ठाउँमा क्वारेन्टाइन तथा आइसोलेसन वार्ड बनाउने निर्णय गरेको प्रमुख जिल्ला अधिकारी भण्डारीले बताए ।


तयार पारिएको सबै क्वारेन्टाइन तत्काल सञ्चालनमा ल्याउनका लागि छलफल भइरहेको उनले बताए । क्वारेन्टाइन तथा आइसोलेसन वार्ड निर्माणका लागि पाँच वटै गाउँपालिका, जिल्ला प्रशासन कार्यालय, स्वास्थ्य कार्यालय, नेपाल प्रहरी, सशस्त्र प्रहरी, नेपाली सेना र चेम्बर अफ कर्मसले सहयोग गरेका छन् ।


त्यस्तै जिल्लाको विभिन्न १० स्थानमा हेल्थ डेक्स सञ्चालनमा आएको छ । प्रकाशित : चैत्र १३, २०७६ १७:१८

प्रतिक्रिया
पठाउनुहोस्
ADVERTISEMENT
ADVERTISEMENT

क्‍वारेन्टाइनमा बस्‍नै मान्दैनन्

‘हामीसँगै आएका अरु घरमै छन् हामीलाई मात्रै किन राखियो ?’
पर्वत पोर्तेल

(काँकडभिट्टा) — भारत तथा तेस्रो देशबाट आएकाहरु क्‍वारेन्टाइनमा बस्नै नमान्ने गरेको पाइएको छ । मेचीनगर १३ को धाइजनमा रहेको क्‍वारेन्टाइनमा स्थानीय सरकारले भारतबाट आएका १९ जनालाई राखेको थियो । जसमध्ये ७ जनाले बुधबार नै क्‍वारेन्टाइन छाडेर गए । मेचीनगरको कार्यपालिका सदस्य टीकाराम मंग्रातीले सेल्फ क्‍वारेन्टाइनमा बस्ने सहमतिमा उनीहरुलाई छाडिएको बताए । 

क्‍वारेन्टाइनमा रहेका मेचीनगर ३ बाहुनडागीका समिर दर्जीले आफूहरुलाई कुनै समस्या नभएको भन्दै क्‍वारेन्टाइनमा बस्न नसक्ने जनाए । उनले भने,‘हामीसँगै आएका अरु घरमै छन् हामीलाई मात्रै किन राखियो ?’नगर कार्यपालिका सदस्य मंग्रातीले क्‍वारेन्टाइनको व्यवस्थापन पक्षसँगको समस्याका कारण ७ जनालाई सेल्फ क्‍वारेन्टाइनमा बस्ने सर्तमा छाडिएको जनाए । उनका अनुसार हाल १२ जना क्‍वारेन्टाइनमा छन् ।

मेचीनगर ४ का दुई वटा स्कुलको क्‍वारेन्टाइनमा ९ जना छन् । उनीहरु भारत र खाडीबाट आएका हुन् । भद्रपुर नगरपालिकाका मेयर जीवन श्रेष्ठले कलवलगुडीको क्‍वारेन्टाइनमा २ जना मात्रै छन् । भद्रपुरमा विदेशबाट आएर बसेका मध्ये अधिकांश होम क्‍वारेन्टाइनमा छन् । भारत, खाडी, जापान, थाइल्यान्ड, मलेसिया आदि मुलुकबाट फर्किएका १८ जना होम क्‍वारेन्टाइनमा छन् । ‘क्‍वारेन्टाइनमा बस्न नमानेका कारण घरमै सुरक्षित भएर बस्ने व्यवस्था नगरपालिकाले मिलाएको हो’, मेयर श्रेष्ठले भने ।

कहाँ कति क्‍वारेन्टाइन ?
१ नम्बर प्रदेशका विभिन्न स्थानमा स्थापित क्‍वारेन्टाइनमा १ सय १२ जना रहेका छन् । आइसोलेसन गृहमा ५ जनाको उपचार भइरहेको छ । तेस्रो मुलुकबाट आएका ६९ जना होम क्‍वारेन्टाइनमा छन् ।
नेपाली सेनाको पूर्वी पृतना हेडक्‍वार्टरले साढे ४ सय शय्याको क्‍वारेन्टाइन तयार गरेको छ । सेनाले मोरङको टाँडीमा, प्रदेश १ कै उदयपुरमा २ सय शय्याको क्‍वारेन्टाइन तयार गरेको छ । उदयपुरको कटारी १ मा क्‍वारेन्टाइन निर्माण गरिएको सेनाको १८ नम्बर बाहिनीले जनाएको छ ।

कोरोना भाइरस संक्रमितलाई राख्न झापाको भद्रपुरस्थित कलवलगुडीमा ३२ वेडको क्‍वारेन्टाइन निर्माण भएको छ । मेचीनगर नगरपालिकाले ७० शय्याको क्‍वारेन्टाइन सञ्चालन भएको छ । प्रमुख जिल्ला अधिकारी उदयबहादुर रानाका अनुसार मेचीनगरमा भद्रपुरमा एक/दुई स्थानमा क्‍वारेन्टाइन स्थापना गरिएको जनाए ।

मेचीनगर ७ सतिघट्टास्थित माइती नेपालको भवनमा २२ जना र मेचीनगर ११ को धाइजन स्वास्थ्य केन्द्रको भवनमा ५० जनासम्म राख्न सकिने गरी क्‍वारेन्टाइन स्थापनाको गरिएको छ । मेचीनगर र भद्रपुर नगरपालिकाले ५०/५० लाख रुपैयाँको आपत्‌कालीन कोष स्थापना गरेका छन् ।

विर्तामोड नगरपालिकाले ९० वेडको क्‍वारेन्टाइन निर्माण गरेको छ । मेचीनगर ४ स्थित सरस्वती माविमा समेत १२ शय्याको क्‍वारेन्टाइन निर्माण गरिएको छ । यहाँ भारतबाट फर्किएका ५ जना युवालाई राखिएको छ । झापाका अन्य क्‍वारेन्टाइन खाली छन् ।

प्रकाशित : चैत्र १३, २०७६ १६:५४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×