चरिकोट वरिपरिका डाँडामा हिउँ पर्‍यो

लामोसाँघु जिरी सडकको खरिढुङ्गा खण्डमा हिमपात भएपछि ओहरदोहर गर्ने यात्रुहरुले सामान्य समस्या भोगिरहेका छन् । दुई हजार सातसय मिटरको उचाईको सडक क्षेत्रमा परेको हिउँ परेको स्थानीयहरुले बताएका छन् ।

कालिञ्चोकमा भारी हिमपात भएपछि टायरमा चेन राखिएका गाडीबाहेक अन्य सवारीसाधन रोकिएको छ । गत वर्षभन्दा धेरै पटक र बाक्लो हिमपात भएपछि पर्यटनमा राम्रो प्रभाव परेको होटल व्यवसायी चन्द्र लामाले बताए । तीन हजार आठ सय मिटर उचाइमा रहेको कालिञ्चोक क्षेत्रमा यसबर्ष परेको हिउँले सहकाल ल्याउने दावी बुढापाकाहरु गर्छन् । असिना नपरी हिउँमात्रै परेकाले त्यस्तो जनविश्वास रहेको उनीहरुले वताउँछन् ।

अर्को पर्यटकीय क्षेत्र शैलुङ क्षेत्रमा पनि भारी हिमपात भएको छ । तीन हजार तीनसय मिटर अग्लो सय थुम्काहरुको शैलुङमा हिमपात भएपछि मानिसहरु रमाउन त्यस क्षेत्रमा गइरहेको शैलुङ गाउँपालिका अध्यक्ष भरत दुलालले बताए ।