कान्तिपुर वेबसाईट
AdvertisementAdvertisement

ललितपुर महानगरका मेयर महर्जनको पुतला दहन 

कान्तिपुर संवाददाता

ललितपुर — विद्यालयको जग्गामा अनधिकृत पर्खाल लगाएको भन्दै ललितपुर महानगरपालिकाका मेयर चिरीबाबु महर्जनको पुतला जलाइएको छ । 


महानगरले सर्वोच्च अदालतको अन्तरिम आदेशविपरीत पुल्चोकस्थित मदन स्मारक स्कुलको खेल मैदान मासेर पर्खाल लगाएको भन्दै स्थानीयले मंगलबार विद्यालयको मूलगेट अगाडि मेयरको पुतला जलाएका हुन्। पुतला दहनका क्रममा उनीहरुले अनधिकृत ढंगको पर्खाल निर्माण बन्द गर, कानुन उल्लंघन गर्न पाइँदैन, नगरप्रमुखको मनपरी तन्त्र चाहिँदैन जस्ता नारा लगाएका थिए।


सर्वोच्चले २०७६ जेठमा मुद्दाको अन्तिम टुंगो नलागेसम्म विद्यालय हाताभित्रको खुला क्षेत्रमा कुनै संरचना निर्माण नगर्नु/नगराउनु भनी आदेश दिएको थियो । दरबार टोल विकास संस्थाका तर्फबाट वामदेव ज्ञवालीले खुल्ला क्षेत्रको संरक्षण माग गर्दै अदालतमा रिट दायर गरेका थिए ।


पुल्चोक नःटोल–पाटन ढोका सडक विस्तार गर्ने नाममा विद्यालयको खेलमैदान साँघुरो हुने गरी नगरपालिकाले ३५ लाखमा नयाँ पर्खाल लगाएको हो । नयाँ पर्खालले विद्यालयको सात आना जग्गा सडकमा परेको छ ।


यो पनि

अदालतको आदेश मिचेर पर्खाल प्रकाशित : फाल्गुन १३, २०७६ ०९:४९

ADVERTISEMENT
प्रतिक्रिया
पठाउनुहोस्
ADVERTISEMENT

पहिलेका विद्यार्थी अहिले सहकर्मी

हरि गौतम

रुकुम पश्‍चिम — पृथ्वीबहादुर नाथले बलबहादुर नाथ र उनको ब्याचलाई पढाए । पछि पृथ्वीबहादुर र बलबहादुर एउटै विद्यालयका सहकर्मी बने । केही समयअघि अनिवार्य अवकाशमा गएका पृथ्वीबहादुर र अहिलेसम्म पनि पठनपाठन गराइरहेका बलबहादुर लामो समय एउटै विद्यालयमा सहकर्मी थिए ।

बलबहादुर नाथले गोकर्ण केसी र उनको ब्याचलाई पनि पढाएका हुन् । अहिले दुवैजना एउटै विद्यालयमा पढाउँछन् । बलबहादुर प्राथमिक तह (१–५) पढाउँछन् भने गोकर्ण आधारभूत तह (६–८) पढाउँछन् । कल्पना दाहाल, खलबहादुर केसी, विश्व गौतम, विष्णु नाथ, ध्रुव पौडेल गोकर्णका फरकफरक व्याचका विद्यार्थी हुन् । सबै अहिले गोकर्णका ‘स्टाफ’ छन् ।

बाँफिकोट गाउँपालिका–२ स्थित जनकल्याण माध्यमिक विद्यालयमा पुरानादेखि नयाँ शिक्षक एउटै विद्यालयमा पढेका हुन् । विद्यालयका २४ शिक्षकमध्ये अधिकांश शिक्षक पूर्वशिक्षक सत्यबहादुर खत्री, पृथ्वीबहादुर नाथ, गोपीप्रसाद नेपाली, चन्द्रबहादुर केसी र बलबहादुरले पढाएका विद्यार्थी हुन् । ‘मैले पढाएका विभिन्न ब्याचका विद्यार्थी अहिले मेरै स्टाफ छन्,’ बलबहादुरले भने, ‘आफैले कखरा सिकाएका विद्यार्थी आफ्नै स्टाफ बनेको देख्दा खुसी लाग्छ ।’ उनले तत्कालीन प्राथमिक विद्यालयमा २०४२ सालदेखि पढाउन थालेका हुन् । पछिल्लो ब्याचका केही विद्यार्थी सहकर्मी बनेपछि आफूलाई ऊर्जा प्राप्त भएको उनले सुनाए ।

आफ्नै पूर्वशिक्षकसँग सहकर्मीका रूपमा काम गर्न पाउँदा सही पेसा रोजेको अनुभव भएको गौतमले बताए । यसले गर्दा मार्गदर्शन पनि हुने गरेको उनको भनाइ छ । केसीले शिक्षकबीच केही पुस्ताको अन्तर रहे पनि शैक्षिक गुणस्तर कायम गर्न सबैको प्रयास जारी रहेको बताए । ‘हामी उहिल्यै सरहरूलाई सोध्दै पढेका हौं,’ उनले भने, ‘अहिले पनि आवश्यक परेको र कन्फ्युज भएका ठाउँमा उहाँहरूसँग सल्लाह गरेर पढाउँछौं ।’

प्रकाशित : फाल्गुन १३, २०७६ ०९:४४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
×